حملہ یمن سے،تباہی ابوظہبی میں،تشویش اسرائیل میں

?️ 20 جنوری 2022

سچ خبریں:عبرانی زبان کے ذرائع نے بتایا کہ جنوبی یمن میں متحدہ عرب امارات کی جارحیت کے جواب میں ابوظہبی کے خلاف صنعا کی فوج کی حالیہ کارروائی نے صیہونی حکومت کے متعدد حلقوں میں تشویش پیدا کر دی ہے۔
العربی الجدید اخبار کی رپورٹ کے مطابق عبرانی زبان کے ذرائع نے متحدہ عرب امارات کی تنصیبات پر یمنی فوج کے حالیہ حملے کی بارہا اطلاع دی ہے اور کہا ہے کہ یہ مستقبل میں مقبوضہ علاقوں پر حملے کی ایک مثال ہوسکتی ہے ،صیہونی حکومت کے چینل 12 عرب ممالک کے نمائندے یہود یاری نے کہا کہ اسرائیل کے پاس اتنا ہی وقت ہے جب تک حوثی مقبوضہ علاقوں پرحملہ کرنے کے لیے ضروری فوجی صلاحیت حاصل کر لیتے۔۔

صیہونی چینل 12 کے ذریعے شائع ہونے والے ایک تجزیے میں یعاری نے پیش گوئی کی ہے کہ اماراتی حکام مقبوضہ فلسطین آئیں گے اور صنعا ڈرون کے خطرات سے نمٹنے نیز متحدہ عرب امارات میں حملوں سے بچنےکے لیے تل ابیب کے حکام سے مدد طلب کریں گے۔

درایں اثنا یروشلم ریسرچ سینٹر نے تل ابیب اور ان ممالک جنہوں نے صیہونی حکومت کے ساتھ تعلقات کو معمول پر لانے کے معاہدے پر دستخط کیے ہیں، سے مطالبہ کیا ہے کہ وہ صنعا کے خلاف”تصادم کی حکمت عملی کو نافذ کرنے کے لیے مل کر کام کریں۔