غزہ کی ہولناک صورتحال ؛ پوررپ بھی بولنے پر مجبور

?️ 31 مئی 2025

سچ خبریں:واشنگٹن پوسٹ نے انکشاف کیا ہے کہ یورپی ممالک صیہونی وزیراعظم نیتن یاہو سے سخت ناراض ہیں،غزہ کی ہولناک صورتحال پر یورپی سفارت کاروں کا کہنا ہے کہ اب صبر کا پیمانہ لبریز ہو چکا ہے، اور یورپ دباؤ میں اضافہ کرے گا۔

الجزیرہ  نیوز چینل کی رپورٹ کے مطابق، امریکی روزنامہ واشنگٹن پوسٹ نے یورپی سفارت کاروں کے حوالے سے انکشاف کیا ہے کہ یورپی ممالک میں اسرائیلی وزیراعظم بنیامین نیتن یاہو کے خلاف ناراضگی میں مسلسل اضافہ ہو رہا ہے اور یورپی حکام ان کی پالیسیوں کے حوالے سے صبر کا دامن کھو چکے ہیں۔

یہ بھی پڑھیں: آئرلینڈ اور اسپین فلسطینی ریاست کو تسلیم کرنے کے لیے تیار

واشنگٹن پوسٹ کے مطابق، یورپی سفارت کاروں نے اس بات پر زور دیا کہ اگر نتانیاہو کی حکومت اپنی روش نہ بدلے، تو یورپی ممالک کی جانب سے دباؤ میں مزید شدت آئے گی، انہوں نے خبردار کیا کہ غزہ سے سامنے آنے والی ہولناک تصاویر نے یورپ کو اس کی برداشت کی آخری حد تک پہنچا دیا ہے۔

رپورٹ میں مزید کہا گیا کہ یورپی یونین نے اس بات کا عندیہ دیا ہے کہ وہ اپنی مالی امداد غزہ تک کسی نئے طریقہ کار کے تحت منتقل کرنے کا ارادہ نہیں رکھتی۔ یہ بیان اسرائیل کی غزہ پر جاری جارحانہ کارروائیوں اور انسانی بحران کے پس منظر میں سامنے آیا ہے۔

دوسری جانب، اسپین کے وزیر خارجہ نے، جن کے ملک نے اسرائیل کو اسلحہ کی فروخت پر پابندی عائد کر دی ہے، واشنگٹن پوسٹ کو دیے گئے انٹرویو میں کہا کہ اسرائیلی حکومت سفارتی ذرائع کے استعمال میں دلچسپی نہیں رکھتی۔

اس بیان سے ظاہر ہوتا ہے کہ یورپی حکومتیں اب نتانیاہو حکومت کو ایک سخت پیغام دینا چاہتی ہیں کہ اسرائیلی رویے اور پالیسیوں کو مزید برداشت نہیں کیا جائے گا۔

مزید پڑھیں:یورپی ممالک کی جانب سے فلسطین کی اقوام متحدہ میں مکمل حمایت

یاد رہے کہ غزہ میں اسرائیلی بمباری اور انسانی حقوق کی خلاف ورزیوں پر دنیا بھر سے شدید تنقید کی جا رہی ہے، اور اب یورپی ممالک کی طرف سے بھی اسرائیل پر عملی دباؤ بڑھانے کی باتیں زور پکڑ رہی ہیں۔