شام میں دہشتگردوں کا حلب شہر کے دو کلومیٹر کے قریب پہنچنے کا دعویٰ

?️ 30 نومبر 2024

سچ خبریں:مختلف دہشت گرد گروپوں نے دعویٰ کیا ہے کہ وہ شام کے شہر حلب کے مغربی علاقے میں واقع حلب جدید کے محلے میں شام کی فوج سے جھڑپوں کے بعد شہر حلب کے دو کلومیٹر کے قریب پہنچ گئے ہیں۔

الجزیرہ نیوز چینل کی رپورٹ کے مطابق، ان دہشت گرد گروپوں نے کہا کہ وہ شام کی فوج کے ساتھ شدید جھڑپوں کے بعد حلب جدید کے علاقے میں داخل ہونے میں کامیاب ہو گئے ہیں اور اب وہ حلب شہر سے صرف دو کلومیٹر کی دوری پر ہیں۔

یہ بھی پڑھیں: حلب یونیورسٹی کے طلباء اور پروفیسرز نےروس کی حمایت میں ریلی نکالی

شامی اپوزیشن سے وابستہ خبررساں ادارے النشرہ نے بھی اطلاع دی ہے کہ دہشت گردوں نے جنوبی حلب کے علاقے میں خان طومان اور زیتان نامی شہروں پر قبضہ کر لیا ہے۔

اس حوالے سے شامی اپوزیشن کے تحت کام کرنے والے ادارے شامی مخالفین گروپ نے دعویٰ کیا کہ دہشت گردوں نے حلب کے ارد گرد موجود خان طومان، زیتان، معردبہ اور برنہ کے دیہاتوں کے ساتھ ساتھ حلب کے قریب واقع سائنسی تحقیقی مراکز پر بھی قبضہ کر لیا ہے۔

مزید پڑھیں: حلب جنگ میں اردگان کی موقع پرستی؟

یہ تمام دعوے اس وقت سامنے آئے ہیں جب شام کی فوج نے اس رپورٹ کی اشاعت تک ان دعووں پر کوئی تبصرہ نہیں کیا ہے۔