کولمبیا میں دہشتگردانہ حملہ، 14 افراد ہلاک، درجنوں زخمی

?️ 26 اپریل 2026

سچ خبریں:کولمبیا میں ایک دہشتگردانہ حملے کے نتیجے میں 14 افراد ہلاک اور 38 سے زائد افراد زخمی ہو گئے ہیں۔

کولمبیا میں پان امریکن روڈ پر دھماکے کے نتیجے میں 14 افراد ہلاک اور 38 سے زائد زخمی ہو گئے، منظم جرائم اور منشیات گینگز کو ذمہ دار قرار دیا جا رہا ہے۔

ریانووستی خبر رساں ایجنسی کی رپورٹ کے مطابق کولمبیا کے مقامی حکام نے اعلان کیا ہے کہ اس ملک میں ہونے والے ایک دہشتگردانہ حملے میں 14 افراد اپنی جان سے ہاتھ دھو بیٹھے جبکہ 38 سے زیادہ افراد زخمی ہوئے ہیں۔

رپورٹ کے مطابق دھماکہ خیز مواد پان امریکن روڈ پر ال ٹنل نامی علاقے میں نصب کیا گیا تھا، جس کے پھٹنے سے آس پاس موجود تمام گاڑیاں متاثر ہو گئیں۔

کولمبیا میں منشیات کے منظم گروہوں کے درمیان لڑائی اور ساتھ ہی ان گروہوں اور مرکزی حکومت کے درمیان تنازعات اکثر عام شہریوں کی ہلاکت اور پولیس کے خلاف دہشتگردانہ کارروائیوں کا سبب بنتے ہیں۔