صیہونی فوج میں خودکشی کا بحران؛10 دن میں 4 واقعات 

سچ خبریں:صہیونی ذرائع کے مطابق اسرائیلی فوجی اڈوں میں صرف 10 دنوں کے دوران 4 خودکشیوں کی کوششیں ریکارڈ ہو چکی ہیں۔ تازہ ترین واقعہ جنوبی فلسطین میں چترباز فوجی کی خود کو گولی مارنے کی شکل میں پیش آیا، جو تشویشناک حالت میں اسپتال منتقل ہوا ہے۔

صہیونی فوج اس وقت اندرونی بحران کا شکار دکھائی دیتی ہے، کیونکہ عبرانی ذرائع ابلاغ نے انکشاف کیا ہے کہ پچھلے 10 دنوں کے دوران اسرائیلی فوجی اڈوں میں 4 خودکشی کی کوششیں سامنے آئی ہیں، جو فوجی اہلکاروں کی گہرے نفسیاتی دباؤ اور مایوسی کی عکاسی کرتی ہیں۔

یہ بھی پڑھیں:صیہونی فوج میں خودکشی کی بڑھتی شرح

تازہ ترین واقعہ جنوبی (مقبوضہ فلسطین) میں ایک چترباز تربیتی مرکز میں پیش آیا، جہاں ایک فوجی نے اپنے ہی سر پر گولی مار لی۔ عبرانی میڈیا کے مطابق، یہ فوجی شدید زخمی حالت میں اسپتال منتقل کیا گیا ہے، اور اس کی حالت انتہائی تشویشناک بتائی جا رہی ہے۔

اس واقعے کے بعد اسرائیلی فوج کی فوجی پولیس نے معاملے کی تحقیقات شروع کر دی ہیں، تاہم واقعے کی تفصیلات یا پسِ منظر کے بارے میں مکمل معلومات جاری نہیں کی گئیں۔

عبرانی نیوز پورٹل کیپا کے مطابق، یہ واقعہ گزشتہ 10 دنوں میں اسرائیلی فوجیوں کی خودکشی کی چوتھی کوشش ہے۔ ان پے در پے واقعات نے صہیونی افواج کے اندر گہرے ذہنی اور نفسیاتی مسائل کی موجودگی کو بے نقاب کر دیا ہے۔

مزید پڑھیں:غزہ جنگ میں اجتماعی خودکشی اور، ڈپریشن کا باعث؛صیہونی فوجیوں کا اعتراف

علاقائی تجزیہ کاروں کا کہنا ہے کہ غزہ کی جنگ، طویل عسکری خدمات، اور فلسطینی مزاحمت کے خلاف مسلسل ناکام کارروائیوں نے فوجی اہلکاروں میں مایوسی، تناؤ اور بے یقینی کو جنم دیا ہے، جس کے نتیجے میں یہ افسوسناک واقعات بڑھتے جا رہے ہیں۔