صہیونی فوجی کے چونکا دینے والے اعترافات؛ سوشل میڈیا پر غم و غصے کی لہر

?️ 17 فروری 2026

سچ خبریں:ایک صہیونی فوجی کے فلسطینی خواتین اور بچوں کے خلاف قابض فوج کے مظالم کے بارے میں چونکا دینے والے اعترافات نے سوشل میڈیا پر غم و غصے اور نفرت کی لہر دوڑا دی ہے۔

معا نیوز ایجنسی کی رپورٹ کے مطابق ایک صہیونی فوجی کے اعترافات کے سوشل میڈیا پر منظر عام پر آنے سے صارفین بالخصوص امریکی صارفین میں غم و غصے اور نفرت کی لہر دوڑ گئی ہے۔

یہ بھی پڑھیں:صہیونی حکومت فلسطینیوں کے گھروں کی وسیع پیمانے پر مسماری کی پالیسی پر کاربند:عرب میڈیا

 اس صہیونی فوجی نے ایک امریکی صارف کے ساتھ ویڈیو گفتگو کے دوران اعتراف کیا کہ صہیونی فوج کے سپاہی نہ صرف غزہ کی پٹی میں خواتین اور بچوں کا قتل عام کر رہے ہیں بلکہ ان کے ساتھ زیادتی بھی کر رہے ہیں۔

اس گفتگو میں، مذکورہ امریکی صارف قابض فوجی سے اپنے ٹھکانے کے آس پاس کا علاقہ دکھانے کا کہتا ہے۔ وہ کہتا ہے کہ حیران مت ہونا، یہاں گھروں میں سے زیادہ کچھ باقی نہیں بچا ہے۔ سب کچھ مسمار کر دیا گیا ہے۔

امریکی صارف پوچھتا ہے کہ کیا صیہونی فوج نے سب کچھ مسمار کر دیا ہے؟ وہ جواب دیتا ہے کہ ہاں۔

یہ صارف آگے بڑھ کر پوچھتا ہے کہ تم نے خواتین اور بچوں کو براہ راست قتل کیا؟ صہیونی فوجی جواب دیتا ہے کہ ہاں ہاں۔ فکر نہ کرو ہم نے ان کے ساتھ زیادتی بھی کی۔ ہم نہ صرف انہیں قتل کرتے ہیں بلکہ ان کے ساتھ زیادتی بھی کرتے ہیں۔

صارف کہتا ہے کہ واقعی؟ تم ان کے ساتھ زیادتی کرتے ہو؟ کیا تم جانتے ہو کہ یہ باتیں پھیلیں گی اور سب تم سے نفرت کریں گے؟

اسرائیلی فوجی جواب دیتا ہے کہ مجھے اس سے کوئی فرق نہیں پڑتا!

مزید پڑھیں:صہیونی آباد کاروں کے وحشیانہ اغوا کا عینی شاہد بیان

سوشل میڈیا صارفین نے اس گفتگو کے ردعمل میں زور دیا کہ اس صہیونی فوجی نے اسرائیلی فوج کا اصل چہرہ دکھایا ہے اور وہ شیطان کے انسانی شکل میں ظہور کی علامت ہے۔