امنیت کا قاتل، صلح کا دعویدار؛ ٹرمپ کا نیا سیاسی ڈرامہ

?️ 12 اکتوبر 2025

سچ خبریں:امریکی صدر ڈونلڈ ٹرمپ نے ایک بار پھر خود کو مشرقِ وسطیٰ میں امن کا سفیر ظاہر کرتے ہوئے دعویٰ کیا ہے کہ وہ غزہ کے مسئلے کے حل کے قریب پہنچ گئے ہیں حالانکہ خود امریکہ اسرائیل کی نسل کشی، قبضے اور جنگی جرائم کا مرکزی حامی ہے۔

امریکی صدر ڈونلڈ ٹرمپ نے ایک بار پھر اپنی سیاسی دوغلی پالیسی کو نئے انداز میں پیش کرتے ہوئے مشرقِ وسطیٰ کے لیے امن لانے کا دعویٰ کیا ہے،
جبکہ خود ان کی حکومت اسرائیل کی مسلسل جارحیت، نسل کشی اور توسیع پسندی کی سب سے بڑی پشت پناہ رہی ہے۔

یہ بھی پڑھیں:غزہ معاہدے کا اعلان مشرقِ وسطیٰ میں دیرپا امن کو یقینی بنانے کا تاریخی موقع ہے

ڈونلڈ ٹرمپ نے ایک پریس بریفنگ میں کہا کہ ہم غزہ کے بارے میں سنجیدہ مذاکرات میں داخل ہو چکے ہیں،کوئی ملک اس جنگ کے خاتمے کے منصوبے کی مخالفت نہیں کر رہا،ہم صیہونی قیدیوں کی فوری رہائی چاہتے ہیں،ہمارا مذاکراتی وفد اس وقت مصر میں موجود ہے اور ایک دوسرا وفد بھی جلد وہاں شامل ہوگا۔

انہوں نے مزید کہا کہ غزہ کا معاملہ انہوں نے کینیڈا کے وزیرِاعظم کے ساتھ بھی زیرِ غور لایا ہے،ٹرمپ نے اصرار کیا کہ ایک حقیقی موقع پیدا ہوا ہے کہ مشرقِ وسطیٰ میں مستقل امن قائم کیا جا سکے۔

واضح رہے کہ یہ بیانات ایسے وقت میں سامنے آئے ہیں جب خود امریکہ نے اسرائیل کی غزہ پر تباہ کن بمباری، محاصرے اور انسانی نسل کشی میں کلیدی کردار ادا کیا ہے،واشنگٹن نہ صرف سیاسی سطح پر اسرائیل کا دفاع کرتا رہا ہے بلکہ اس کے لیے اربوں ڈالر کے جدید ہتھیار بھی فراہم کیے۔

ماہرین کا کہنا ہے کہ ٹرمپ کا یہ صلح کا ڈرامہ دراصل ریاستِ فلسطین کے قیام کی تحریک کو بے اثر کرنے اور نتن یاہو کی حکمتِ عملی کو دوام دینے کی ایک نئی کوشش ہے۔

مزید پڑھیں:صہیونی منصوبہ گریٹر اسرائیل کا مستقبل؛ مشرقِ وسطیٰ میں نئے چیلنجز اور عالمی تبدیلیاں

سیاسی مبصرین کے مطابق، ٹرمپ کے بیانات اس بات کا تسلسل ہیں کہ واشنگٹن ہر بار امن کے نام پر اسرائیلی تسلط کو قانونی حیثیت دینے کی کوشش کرتا ہے۔

درحقیقت، امریکی پالیسی کا مقصد فلسطینی مزاحمت کو دہشت گردی قرار دے کر صہیونی ریاست کو خطے کی “قیادت” کا حق دینا ہے،ٹرمپ کی جانب سے مشرقِ وسطیٰ میں صلح کی بات محض ایک انتخابی اور سفارتی شو ہے،دنیا بخوبی جانتی ہے کہ اگر کوئی طاقت اس خطے میں
جنگ، خون ریزی اور عدمِ استحکام کی اصل ذمہ دار ہے تو وہ خود امریکہ ہے۔