دمشق اور تل ابیب کے نمائندوں کی یورپ میں خفیہ ملاقات 

سچ خبریں:صیہونی اخبار کے مطابق، شامی اور اسرائیلی شخصیات کے درمیان ایک خفیہ ملاقات یورپ میں ہوئی، جس میں مقبوضہ علاقوں کی صورت حال اور ابومحمد الجولانی پر تبادلہ خیال کیا گیا۔

عبری زبان کے مشہور روزنامہ یدیعوت احرونٹ  نے انکشاف کیا ہے کہ شام اور اسرائیل کی بعض اہم شخصیات کے درمیان ایک خفیہ نشست یورپ کے ایک غیر متعین ملک میں ایک نجی گھر میں منعقد ہوئی۔ اس نشست کی اطلاع روسی ذرائع ابلاغ کے توسط سے بھی سامنے آئی ہے۔

یہ بھی پڑھیں: الجولانی کا تل ابیب کے لیے قیمتی تحفہ

اس رپورٹ کے مطابق، ملاقات میں شریک صہیونی نمائندے اس بات پر حیران تھے کہ شامی نمائندے اسرائیلی داخلی معاملات اور مقبوضہ علاقوں کی صورت حال پر مکمل نظر رکھتے ہیں۔ ان میں سے بعض نے نیتن یاہو کے بیانات اور خیالات میں دلچسپی کا اظہار بھی کیا۔

ملاقات میں شامی نمائندوں نے واضح کیا کہ ابومحمد الجولانی جو فی الحال شام کے بعض علاقوں میں سرگرم دہشتگرد تنظیم کا سرغنہ ہے داخلی بحرانوں میں بری طرح الجھا ہوا ہے اور اسرائیل کو ان بحرانوں کی فہرست میں شامل نہیں کرنا چاہتا،ان کے بقول، الجولانی تاحال دمشق پر مکمل کنٹرول حاصل کرنے میں ناکام رہا ہے۔

مزید پڑھیں: جولانی کو شام پر اسرائیلی قبضے کے خلاف واضح موقف اختیار کرنا چاہیے: السوڈانی

یہ خفیہ ملاقات نہ صرف شامی و اسرائیلی تعلقات کی نئی جہت کو ظاہر کرتی ہے، بلکہ اس سے یہ بھی واضح ہوتا ہے کہ خطے میں بعض غیر سرکاری رابطے تیزی سے آگے بڑھ رہے ہیں — ممکنہ طور پر علاقائی صف بندی یا سلامتی حکمت عملی کے سلسلے میں۔