افغانستان کی موجودہ صورتحال پر سعودی عرب نے اہم بیان جاری کردیا

17 اگست 2021

ریاض (سچ خبریں) افغانستان کی موجودہ صورتحال پر سعودی عرب نے اہم بیان جاری کرتے ہوئے کہا ہے کہ افغان عوام کو اب غیر ملکی مداخلت کے بغیر اپنے مستقبل کا فیصلہ کرنا ہوگا۔

تفصیلات کے مطابق افغانستان میں موجودہ صورتحال کے بعد سعودی وزارت خارجہ نے دعویٰ کیا کہ افغان عوام غیر ملکی مداخلت کے بغیر اپنے سیاسی آپشنز کا انتخاب کریں اور ایک بہترین حکومت کا قیام عمل میں لائیں۔

غیر ملکی خبررساں ایجنسی کے مطابق سعودی وزارت خارجہ نے پیر کی سہ پہر افغانستان میں ہونے والی پیش رفت پر ردعمل ظاہر کرتے ہوئے دعویٰ کیا کہ وہ اس ملک میں ہونے والے واقعات پر مسلسل نظر رکھے ہوئے ہے۔

سعودی ایجنسی نے ایک بیان جاری کیا ہے جس میں امید ظاہر کی گئی ہے کہ افغانستان کے حالات جلد سے جلد مستحکم ہوں گے۔

سرکاری سعودی خبر رساں ایجنسی (ڈبلیو اے ایس) نے اس بیان کے حوالے سے کہا کہ افغان عوام کو غیر ملکی مداخلت کے بغیر اپنے سیاسی آپشن کا انتخاب کرنا ہوگا۔

ریاض نے اس آیت کا حوالہ دیتے ہوئے کہ "مومن ای دوسرے کے بھائی ہیں” یہ دعویٰ کیا کہ سعودی عرب افغان عوام کے ساتھ کھڑی ہے۔

واضح رہے کہ طالبان نے گزشتہ دس دنوں کے دوران افغانستان کے بیشتر حصے پر قبضہ کر لیا ہے اور کل انہوں نے دارالحکومت کابل کا کنٹرول سنبھال لیا ہے۔

ایک طالبان عہدیدار نے بتایا کہ کابل میں 90 فیصد سے زیادہ سرکاری عمارتیں اور چوکیاں اب طالبان کے کنٹرول میں ہیں، طالبان کے سیاسی بیورو کے ترجمان محمد نعیم نے پہلے کہا تھا کہ افغانستان میں جنگ ختم ہوچکی ہے اور نئی حکومت کے بارے میں مستقبل قریب میں اعلان کیا جائے گا۔