فلسطینی مزاحمتی تحرمک پہلے سے زیادہ طاقتور ہو چکی ہے؛صیہونی فوج کا اعتراف

سچ خبریں:صیہونی فوجی کمانڈرز نے اعتراف کیا ہے کہ غزہ میں فلسطینی مجاہدین نہ صرف زیادہ جرات مند ہو گئے ہیں بلکہ نئے جنگی طریقے اختیار کرتے ہوئے اسرائیلی فوج پر کامیاب حملے کر رہے ہیں، حالیہ کمین میں 20 سے زائد صہیونی فوجی ہلاک و زخمی ہوئے۔

شہاب نیوز ایجنسی کی رپورٹ کے مطابق، غزہ میں تعینات صیہونی فوجی کمانڈروں نے اپنی رپورٹ میں اعتراف کیا ہے کہ گزشتہ ہفتوں کے دوران فلسطینی مجاہدین نے صیہونی فوج کے خلاف اپنے حملوں میں غیر معمولی جرات اور جواں مردی کا مظاہرہ کیا ہے۔

یہ بھی پڑھیں:بیت حانون آپریشن؛ صہیونی تجزیہ کار حیران، فلسطینی مجاہدین کی کامیاب حکمت عملی

 صیہونی ریڈیو کے مطابق، یہ مجاہدین نہ صرف غزہ کے ملبے اور سرنگوں سے نکل کر براہ راست حملے کر رہے ہیں، بلکہ انہیں اس بات کا علم بھی ہوتا ہے کہ ان کے ٹھکانے ممکنہ طور پر سامنے آ چکے ہیں، اس کے باوجود وہ صہیونی فوجیوں پر فائرنگ سے پیچھے نہیں ہٹتے۔

رپورٹ میں مزید بتایا گیا کہ فلسطینی مجاہدین اہم اور مہلک کمین لگا کر، صیہونی فوجیوں کو ہلاک کرنے کے بعد فوراً علاقہ نہیں چھوڑتے، بلکہ وہیں رک کر اپنی جدوجہد جاری رکھتے ہیں۔

صیہونی ٹی وی چینل 7 نے بھی رپورٹ دی کہ فوج نے حماس کے جنگجوؤں کی بڑھتی ہوئی جرات اور میدانِ جنگ میں ان کی حکمت عملی میں نمایاں تبدیلی کا اعتراف کیا ہے۔

 اب حماس روایتی طور پر ریموٹ بم دھماکوں تک محدود نہیں رہی، بلکہ پیچیدہ کمین اور براہ راست حملے کر کے زیادہ فعال اور جارحانہ حکمت عملی اختیار کر رہی ہے۔

مزید پڑھیں: غزہ صیہونیوں کے لیے ایسا جہنم ہے جس سے باہر نکلنا ممکن نہیں

گزشتہ شب قسام بریگیڈز کی منفرد اور مرکب کمین کے نتیجے میں کم از کم 20 اسرائیلی فوجی ہلاک و زخمی ہوئے، جس نے قابض فوج کو ششدر کر دیا ہے۔