کوئی بھی طاقت وینزوئلا کی آواز خاموش نہیں کر سکتی؛ مادورو کا امریکہ کو پیغام

?️ 8 دسمبر 2025

سچ خبریں:وینزوئلا کے صدر نکولس مادورو نے امریکیوں کو مخاطب کرتے ہوئے کہا کہ کوئی بھی سامراجی طاقت کاراکاس کی آواز دبانے میں کامیاب نہیں ہوسکتی، وہ عالمی یکجہتی کے دن وینیزویلا کی حمایت کو ایک غیرمعمولی اقدام قرار دیتے ہیں۔

المیادین نیوز چینل کی رپورٹ کے مطابق وینزوئلا کے صدر نکولس مادورو نے اعلان کیا کہ وینزوئلا تنہا نہیں ہے اور کوئی بھی امپائر ہماری آواز بند کرنے کی صلاحیت نہیں رکھتا۔

یہ بھی پڑھیں:امریکی فوجی طیارے کی وینزوئلا کی فضائی حدود کی خلاف ورزی

انہوں نے مزید کہا کہ دنیا کی قوموں کا اتحاد اور امریکی جارحیت کے مقابلے میں عالمی یومِ یکجہتی کے دوران وینزوئلا کے عوام کی حمایت دیکھنا ایک شاندار اور قابلِ ستائش اقدام ہے۔

ان کے یہ بیانات اس واقعے کے کچھ ہی گھنٹوں بعد سامنے آئے جب درجنوں امریکی شہری ہفتے کی شب وائٹ ہاؤس کے سامنے جمع ہوئے اور وینزوئلا میں ممکنہ امریکی فوجی مداخلت کے خلاف احتجاج کیا۔

دوسری جانب، امریکہ کے صدر ڈونلڈ ٹرمپ نے وینزوئلا میں مبینہ طور پر منشیات فروش کارٹیلز پر حملے کے بارے میں اپنے تازہ بیان میں کہا کہ ہم بہت جلد منشیات کی اسمگلنگ کے خلاف زمینی کارروائی شروع کریں گے۔

مزید پڑھیں:وینزوئلا کا امریکی غیر مستحکم کاروائیوں کے خلاف کیوبا کی حمایت کا اعلان

امریکی صدر نے مزید کہا کہ وینزوئلا کے ساتھ معاملات دباؤ ڈالنے کی حد سے آگے نکل چکے ہیں، اور مادورو کے ساتھ اپنی مختصر گفتگو میں میں نے انہیں کچھ امور سے آگاہ کیا۔