آئندہ 48 گھنٹے انتہائی تشویشناک:امریکی میڈیا 

سچ خبریں:امریکی حکام نے دعویٰ کیا ہے کہ ایران کی جانب سے ممکنہ ردعمل کے باعث اگلے 48 گھنٹے نازک اور نگران کن ہوں گے،امریکہ نے تمام محاذوں پر الرٹ جاری کر دیا ہے۔

امریکی ذرائع ابلاغ نے خبردار کیا ہے کہ اسلامی جمہوریہ ایران کی جانب سے امریکہ کے حالیہ حملے کے جواب میں ممکنہ ردعمل کسی بھی وقت سامنے آ سکتا ہے، اور اسی باعث آئندہ ۴۸ گھنٹے انتہائی تشویشناک اور حساس قرار دیے جا رہے ہیں۔

یہ بھی پڑھیں:امریکہ کا جنگ میں داخل ہونا ایران کے لیے خطرہ ہے یا موقع؟

الجزیرہ کے مطابق، امریکی نشریاتی ادارے NBC نے اپنے ذرائع کے حوالے سے رپورٹ دی ہے کہ امریکی حکام نے حکومت کو خبردار کیا ہے کہ ہمیں توقع ہے کہ ایران کسی بھی وقت حملے کا جواب دے سکتا ہے، اور ہم اس کے لیے مکمل طور پر تیار ہیں۔

رپورٹ میں مزید کہا گیا ہے کہ ابھی تک یہ واضح نہیں ہے کہ ایران کا ردعمل صرف غیر ملکی ٹھکانوں پر مرکوز ہوگا، یا امریکی سرزمین یا دونوں کو نشانہ بنایا جا سکتا ہے۔

مزید پڑھیں:امریکہ اسرائیلی جارحیت میں شریک ہے، جس مقام سے حملہ ہوگا اسی جگہ جواب دیں گے، ایرانی سفیر

یہ ممکنہ ردعمل ایسے وقت میں متوقع ہے جب امریکہ کی جانب سے ایران کی جوہری تنصیبات پر حملے کے بعد نہ صرف ایران بلکہ عالمی برادری کی جانب سے شدید تنقید سامنے آئی ہے، یہاں تک کہ خود امریکہ کے اندر سے بھی کئی ماہرین اور سیاسی حلقے اس حملے کو خطرناک اور غیر ذمہ دارانہ قرار دے رہے ہیں۔