غزہ کے خلاف نئی امریکی اور صیہونی سازش

?️ 12 نومبر 2025

سچ خبریں:امریکہ اور اسرائیل نے غزہ میں مسلح کارندوں کی تنظیم کو سرگرم کرنے کی کوشش کر رہے ہیں جس کا مقصد مزاحمتی تحریک کو شکست دینا اور غزہ میں عدم استحکام پیدا کرنا ہے۔

معا نیوز ایجنسی کی رپورٹ کے مطابق، صہیونی اخبار اسرائیل ہیوم نے اپنی رپورٹ میں بتایا کہ امریکہ اور اسرائیل کے درمیان غزہ میں مسلح کارندوں کی تنظیم اور ان کے کردار پر مکمل طور پر کام جاری ہے۔

یہ بھی پڑھیں:غزہ والوں کے خلاف اب تک کی سب سے بڑی امریکی-صیہونی سازش

رپورٹ میں کہا گیا ہے کہ امریکی فوج کے کریات گات میں موجود کمانڈرز اور مسلح کارندوں کے درمیان باہمی رابطے اور تنظیم کا عمل چل رہا ہے۔ ان کارندوں میں خاص طور پر ابوشباب گروپ کے مسلح جنگجو اور حسام الاسطل کے زیرِ اثر مسلح افراد شامل ہیں، جو خان یونس میں فعال ہیں۔

اسرائیل ہیوم کی رپورٹ میں مزید کہا گیا ہے کہ الاسطل گروپ کو اسرائیلی حکام کی طرف سے اسلحہ کی معاونت فراہم کی جا رہی ہے، اور یہ سب کچھ امریکہ اور اسرائیل کے مشترکہ اقدامات کے تحت ہو رہا ہے، جس کا مقصد غزہ میں واشنگٹن اور تل ابیب کے زیرِ اثر ایک مقامی انتظامیہ کی تشکیل کرنا ہے۔

امریکہ اور اسرائیل کا مقصد ان مسلح کارندوں کو مقامی مجاہدین کے خلاف استعمال کرنا اور غزہ میں آشوب پیدا کرنا ہے۔

مزید پڑھیں: کیا صیہونی حکومت فلسطینیوں کی جبری نقل مکانی کر سکے گی؟

رپورٹ میں یہ بھی ذکر کیا گیا کہ امریکہ ان مسلح کارندوں کو بین الاقوامی امن فورس کے متبادل کے طور پر دیکھ رہا ہے، جس سے ظاہر ہوتا ہے کہ امریکہ اور اسرائیل غزہ میں اپنے اثر و رسوخ کو مزید مستحکم کرنے کی کوشش کر رہے ہیں۔