غزہ میں 20 صیہونی قیدی ابھی زندہ ہیں؛نیتن یاہو کا دعویٰ 

سچ خبریں:صیہونی وزیراعظم نیتن یاہو نے دعویٰ کیا ہے کہ غزہ میں 20 اسیر اب بھی زندہ ہیں اور ان کی بازیابی کے لیے ہر ممکن کوشش کی جا رہی ہے۔ مقامی میڈیا کے مطابق، جنگ بندی معاہدے کے لیے نیتن یاہو پر داخلی اور امریکی دباؤ بڑھ رہا ہے۔

الجزیرہ نیوز چینل کی رپورٹ کے مطابق، اسرائیلی وزیراعظم بنیامین نیتن یاہو نے کہا ہے کہ غزہ میں 20 اسرائیلی اسیر اب بھی زندہ ہیں اور حکومت ان کی رہائی اور مارے گئے قیدیوں کی باقیات واپس لانے کے لیے ہر ممکن اقدامات کر رہی ہے۔

یہ بھی پڑھیں: کیا نیتن یاہو غزہ جنگ ہار چکے ہیں؟صیہونی قیدیوں کے اہلخانہ کیا کہتے ہیں؟

نیتن یاہو نے مزید کہا کہ میں غزہ سے تمام اسرا کی واپسی اور نیر عوز کی بحالی کے لیے پُرعزم ہوں،یہ بیان اس وقت سامنے آیا ہے جب اسرائیلی روزنامہ یدیعوت آحارونوت نے کابینہ ذرائع کے حوالے سے بتایا ہے کہ نیتن یاہو ہر قیمت پر جنگ بندی معاہدے کے خواہشمند ہیں اور انہیں لگتا ہے کہ سیاسی طور پر یہ موقع نایاب ہے۔

مزید پڑھیں: ہزاروں صیہونیوں کا کنیسٹ کے سامنے دھرنا؛اہم مطالبہ کیا ہے؟

مقامی میڈیا کے مطابق، مقبوضہ فلسطینی علاقوں میں آنے والے انتخابات اور امریکی صدر ٹرمپ کی حکومت کی جانب سے بڑھتے دباؤ کی وجہ سے نیتن یاہو کے موقف میں تبدیلی محسوس کی جا رہی ہے۔