صیہونی فوجی اڈوں میں جنگ کے دوران بڑے پیمانے پر چوری، لاکھوں کا گولہ بارود غائب

سچ خبریں:ایران-اسرائیل جنگ کے دوران کم از کم 20 افراد نے اسرائیلی فوجی اڈوں سے قیمتی ہتھیار اور گولہ بارود چرا لیا۔ 

روسیا الیوم کی رپورٹ کے مطابق پولیس کے مطابق، چند چوروں نے سکیورٹی کیمروں کو ناکارہ بنا کر دو ملین شکل مالیت کا اسلحہ چوری کیا، جبکہ اس سے پہلے بھی نقب اڈے سے اسلحے کی بڑی چوری ہو چکی ہے۔

یہ بھی پڑھیں:اسرائیلی فوج ہتھیاروں کی چوری سے نمٹنے میں ناکام

 اسرائیلی پولیس نے انکشاف کیا ہے کہ ایران کے ساتھ حالیہ 12 روزہ جنگ کے دوران اسرائیلی فوج کے کئی اڈوں میں بڑے پیمانے پر چوری کے واقعات پیش آئے ہیں۔ پولیس رپورٹ کے مطابق کم از کم 20 افراد نے فوجی اڈوں سے قیمتی ہتھیار اور گولہ بارود چرا لیا۔

پولیس کا کہنا ہے کہ کچھ چوری شدہ اسلحہ اور سامان دوبارہ برآمد کر لیا گیا ہے، تاہم مکمل تحقیقات جاری ہیں، ایک 45 سالہ شخص، جو تل السبع کا رہائشی ہے، اور اس کے ساتھیوں نے بئر السبع کے علاقے میں نصب سکیورٹی کیمروں کو ناکارہ بنا کر تقریباً دو ملین شکل مالیت کا گولہ بارود چوری کیا۔

مزید پڑھیں:فوجی اڈوں سے ہتھیاروں کی چوری پر صیہونی حکومت کا متنازع اقدام

یہ پہلا موقع نہیں ہے کہ اسرائیلی فوجی اڈوں سے اسلحے کی چوری ہوئی ہو، اس سے قبل جنوری 2025 میں نقب کے فوجی اڈے سے بھی بڑی مقدار میں ہتھیار غائب ہوئے تھے، جو اب تک نہیں مل سکے۔