یمن کے جنوبی ساحل کے قریب بحری حادثہ، المکلا کے نزدیک ایک کشتی روک لی گئی

?️ 17 جولائی 2026

سچ خبریں:برطانیہ کے بحری تجارتی آپریشنز ادارے نے اعلان کیا ہے کہ اسے یمن کے شہر المکلا سے 65 سمندری میل جنوب میں ایک بحری حادثے کی اطلاع موصول ہوئی ہے۔

الجزیرہ نیوز چینل کی روپورٹ کے مطابق، یمن کے جنوبی ساحل اور خلیج عدن میں ایک بحری واقعہ پیش آیا، جہاں نامعلوم مسلح افراد ایک کیمیائی مصنوعات لے جانے والی کشتی پر سوار ہو گئے، جبکہ برطانوی بحری تجارتی آپریشنز ادارے نے تمام کشتیوں کو احتیاط کی ہدایت جاری کر دی۔

اس برطانوی ادارے کی رپورٹ کے مطابق، خلیج عدن کے مشرقی حصے سے گزرنے کے دوران نامعلوم اور غیر قانونی افراد ایک کشتی پر سوار ہو گئے۔

برطانیہ کے بحری تجارتی آپریشنز ادارے نے تمام کشتیوں کو ہدایت کی ہے کہ وہ اس علاقے سے انتہائی احتیاط کے ساتھ گزریں اور کسی بھی مشتبہ سرگرمی کی فوری اطلاع ادارے کو دیں۔

ادھر خبر رساں ادارے روئٹرز نے بحری سلامتی کے ذرائع کے حوالے سے رپورٹ دی ہے کہ مسلح افراد نے یمن کے ساحل کے قریب خلیج عدن میں کیمیائی مصنوعات لے جانے والی آسانا نامی کشتی پر حملہ کیا ہے۔

یمن کے سرکاری حکام اور ملک کی مسلح افواج نے تاحال اس واقعے پر کوئی ردعمل ظاہر نہیں کیا اور نہ ہی اس حوالے سے کوئی باضابطہ بیان جاری کیا ہے۔