غزہ میں امداد کی ترسیل میں درپیش بڑے چیلنجز

🗓️ 29 جنوری 2025

سچ خبریں:قطر کے وزارت خارجہ کے ترجمان، ماجد الانصاری نے کہا ہے کہ قطر، حماس اور اسرائیل کے درمیان اس اسرائیلی خاتون قیدی کی رہائی کے معاہدے تک پہنچ چکا ہے، جس کی آزادی کا تل ابیب نے جمعہ سے پہلے مطالبہ کیا تھا۔

العربی نیوز ایجنسی کی رپورٹ کے مطابق قطر کے وزارت خارجہ کے ترجمان، ماجد الانصاری الانصاری نے بتایا کہ غزہ میں انسانی امداد پہنچانے کے حوالے سے کئی سنگین لوجسٹک رکاوٹیں موجود ہیں، انہوں نے عالمی برادری اور دونوں فریقوں پر زور دیا کہ وہ اس انسانی بحران کے پیش نظر زیادہ سے زیادہ امداد کی فراہمی کو یقینی بنائیں۔

یہ بھی پڑھیں: غزہ کے سنگین حالات؛ اقوام متحدہ کے چشم دید اہلکار کی رپورٹ

قطری ترجمان نے مزید کہا کہ غزہ میں انسانی امداد کی پہلی کھیپ گزشتہ روز بیت حانون کراسنگ کے ذریعے ایک جاری فضائی پل کے حصے کے طور پر پہنچائی گئی۔

الانصاری نے اس بات کی بھی تصدیق کی کہ قطر، فلسطینی مسئلے اور خطے کی دیگر پیش رفتوں کے حوالے سے امریکی حکومت سے مسلسل رابطے میں ہے۔

انہوں نے کہا کہ جنگ بندی کے دوسرے مرحلے کے مذاکرات کا آغاز 16 تاریخ سے ہوگا، جس کے بعد مزید قیدیوں کے تبادلے اور شمالی غزہ میں مہاجرین کی واپسی کے حوالے سے رکاوٹیں دور کی جائیں گی۔

قطری وزیر خارجہ کے ترجمان نے وضاحت کی کہ قطر اور مصر کی سیکیورٹی کمیٹیاں شمال کی طرف جانے والی گاڑیوں اور امدادی سامان کی جانچ پڑتال کے لیے ایک محدود تکنیکی کردار ادا کر رہی ہیں،تاہم رفح کراسنگ کے دوبارہ کھلنے کے لیے کوئی حتمی تاریخ مقرر نہیں کی گئی، کیونکہ لوجسٹک مسائل ابھی تک حل طلب ہیں۔

مزید پڑھیں: غزہ میں بھیجی جانے والی امداد کی چوری

الانصاری نے اس بات پر زور دیا کہ قطر جنگ بندی معاہدے کے نفاذ کی نگرانی کر رہا ہے اور امید کرتا ہے کہ دونوں فریق اپنی ذمہ داریوں پر قائم رہیں گے۔

انہوں نے مزید کہا کہ اب تک کسی ایسے واقعے کی اطلاع نہیں ملی جو جنگ بندی کے خاتمے یا اس کے شدید بگاڑ کا باعث بن سکے۔