جیفری ایپسٹین موساد کا ایجنٹ تھا؛ سابق سی آئی اے افسر کا دعویٰ

?️ 31 مئی 2026

سچ خبریں:سابق امریکی انٹیلی جنس افسر جان کریاکو نے دعویٰ کیا ہے کہ جیفری ایپسٹین مختلف خفیہ ایجنسیوں کے لیے معلومات فراہم کرتا تھا اور ممکنہ طور پر موساد سے بھی وابستہ تھا۔

سابق سی آئی اے افسر جان کریاکو، جو امریکہ کے خلاف اپنی انکشافات کے لیے معروف ہیں، نے ایک انٹرویو میں دعویٰ کیا ہے کہ جنسی جرائم میں ملوث مجرم جیفری ایپسٹین مختلف بااثر اور امیر افراد سے حاصل کردہ معلومات متعدد خفیہ اداروں کو فراہم کرتا تھا، جن میں خاص طور پر موساد بھی شامل ہے۔

جان کریاکو نے اپنے حالیہ انٹرویو میں انکشاف کیا کہ دستیاب دستاویزات کے مطابق جیفری ایپسٹین رضاکارانہ طور پر کئی انٹیلی جنس اداروں کے ساتھ تعاون کرتا رہا، جن میں سی آئی اے، ایف بی آئی، ایم آئی فائیو، ایم آئی سکس اور جرمن انٹیلی جنس ادارے بھی شامل ہیں۔

سابق افسر کے مطابق ایپسٹین نے اس سے بھی آگے بڑھ کر روسی صدر ولادیمیر پیوٹن سے براہ راست ملاقات کی کوشش کی، تاہم روسی حکام نے اس درخواست کو مسترد کر دیا۔

کریاکو کا دعویٰ ہے کہ ایپسٹین درحقیقت موساد کے لیے ایک اثرانداز ایجنٹ کے طور پر کام کر رہا تھا اور وہ اہم شخصیات سے حاصل کردہ معلومات اس ادارے کو فراہم کرتا تھا۔

جیفری ایپسٹین اپنی زندگی میں امریکی صدر ڈونلڈ ٹرمپ اور سابق صدر بل کلنٹن سمیت کئی بااثر سیاستدانوں اور کاروباری شخصیات سے قریبی روابط رکھتا تھا۔ بعض تجزیہ کاروں کے مطابق وہ ان تعلقات سے حاصل شدہ معلومات کو بلیک میلنگ کے لیے استعمال کرتا تھا۔