بین الاقوامی اتحاد ستمبر 2026 تک عراق چھوڑ دے گا: عراقی وزیر اعظم

?️ 4 نومبر 2025

سچ خبریں:عراق کے وزیر اعظم محمد شیاع سوڈانی نے اعلان کیا ہے کہ امریکہ کی قیادت میں بین الاقوامی اتحاد مکمل طور پر ستمبر 2026 تک عراق چھوڑ دے گا۔

روئٹرز نیوز ایجنسی کی رپورٹ کے مطابق عراق کے وزیر اعظم، محمد شیاع سوڈانی نے پیر کے روز ایک انٹرویو میں تصدیق کی کہ امریکہ کی قیادت میں بین الاقوامی اتحاد مکمل طور پر عراق سے ستمبر 2026 تک باہر نکل جائے گا۔

یہ بھی پڑھیں: عراق میں امریکی فوجی نقل و حرکت کی وجہ؟

رپورٹ کے مطابق، سوڈانی نے کہا کہ بغداد اس بات کے پابند ہے کہ تمام ہتھیار حکومت کے کنٹرول میں ہوں، مگر جب تک بین الاقوامی اتحاد عراق میں موجود ہے، یہ عمل مکمل نہیں ہو سکتا۔

عراقی وزیر اعظم نے واضح کیا کہ بین الاقوامی اتحاد کے مکمل اخراج کا منصوبہ جاری ہے اور حکومت اس پر عمل پیرا ہے۔

مزید پڑھیں: عراق میں امریکی قبضے کے جرائم کے اعدادوشمار کو دستاویزی شکل دی گئی

الجزیرہ کی رپورٹ کے مطابق، سوڈانی نے کہا کہ ہم واشنگٹن کے ساتھ متوازن تعلقات رکھتے ہیں جو باہمی مفادات پر مبنی ہیں، عراق کسی کے دائرہ نفوذ نہیں، ہمارے قومی مفادات ترجیحی ہیں اور ہم کسی کو بغداد کو جنگ میں دھکیلنے کی اجازت نہیں دیں گے، فیصلہ سازی صرف حکومت کے اختیار میں ہے۔