محاصرے کے باوجود مزاحمتی قوت کو مزید مضبوط کرتے رہیں گے:حماس

سچ خبریں:فلسطینی مزاحمتی تحریک حماس کے سیاسی دفتر کے سربراہ خلیل الحیہ نے منبر القدس پروگرام میں گفتگو کرتے ہوئے اس عزم کا اظہار کیا ہے کہ فلسطینی مزاحمتی قوتیں، صہیونی محاصرے کے باوجود اپنی طاقت کو مسلسل بڑھا رہی ہیں اور یہ سفر فتح یا شہادت پر ہی ختم ہوگا۔

یہ بھی پڑھیں:فلسطینی طاقت کا دشمن نے بھی کیا اعتراف

المسیرہ نیوز چینل کی رپورٹ کے مطابق فلسطینی مزاحمتی تحریک حماس کے سیاسی دفتر کے سربراہ خلیل الحیہ نے کہا کہ ہم نے اس جدوجہد میں عظیم رہنماؤں کو کھویا، جیسے کہ شہید اسماعیل ہنیہ، شہید سید حسن نصراللہ، شہید یحییٰ السنوار اور شہید صالح العاروری، یہ سب طوفان الاقصیٰ جیسی عظیم کارروائیوں کے سچے قائدین تھے۔

انہوں نے کہا کہ ہم ایسے دور میں یوم القدس منانے جا رہے ہیں جس کی بنیاد امام خمینی نے رکھی اور جسے آج سید علی خامنہ‌ای پوری قوت سے آگے بڑھا رہے ہیں،ساتھ ہی شہید ابراہیم رئیسی کی یاد کو بھی انہوں نے خراجِ عقیدت پیش کیا۔

خلیل الحیہ نے کہا کہ مزاحمت نے آج دنیا کے سامنے اسرائیلی ریاست کا اصل چہرہ بےنقاب کر دیا ہے، اور اس کو امتِ مسلمہ کا اسٹریٹجک دشمن ثابت کیا ہے۔ ان کا کہنا تھا کہ "ہم پیچھے نہیں ہٹ سکتے، نہ ہی وقت پیچھے جا سکتا ہے۔ یہ سفر صرف دو ہی راستوں پر ختم ہوگا: یا فتح یا شہادت۔

مزید پڑھیں: شمالی غزہ کی لڑائیوں میں مزاحمتی حکمت عملی

انہوں نے اس بات پر زور دیا کہ محاصرہ، بمباری، یا عالمی خاموشی، مزاحمتی ارادوں کو نہ پہلے توڑ سکی ہے اور نہ آئندہ توڑ سکے گی۔ فلسطینی مزاحمت نے اپنی راہ کا انتخاب کر لیا ہے، اور یہ راہ ہر قربانی کے باوجود جاری رہے گی۔