غزہ دنیا کی مزاحمت کا دارالحکومت ہے:کولمبیا کے صدر

?️ 3 نومبر 2025

سچ خبریں:کولمبیا کے صدر پیٹرو سانچیز نے غزہ کے عوام کی قربانیوں کے اعتراف کرتے ہوئے کہا کہ غزہ عالمی مزاحمت کا مرکز ہے۔

انہوں نے غزہ کے عوام کی قربانیوں کے اعتراف میں سیمون بولیوار ایوارڈ دینے کا اعلان کیا اور اسرائیل پر نسل کشی کا الزام لگایا۔

کولمبیا کے صدر پیٹرو سانچیز نے اتوار کے روز الجزیرہ کو دیے گئے ایک انٹرویو میں کہا کہ ہمیں فلسطینی عوام کی تکالیف کے خاتمے کے لیے دو ریاستی حل کی بنیاد پر ایک امن کانفرنس منعقد کرنی چاہیے۔

انہوں نے مزید کہا کہ میں غزہ کے عوام کی قربانیوں کے اعتراف میں انہیں عظیم مجاہد سیمون بولیوار کا اعزازی تمغہ عطا کرنے کا ارادہ رکھتا ہوں۔

صدر پیٹرو سانچیز نے مزید کہا کہ اگرچہ حقیقت کو چھپانے کی کوشش کی جا رہی ہے، مگر انسانیت نے غزہ کی پٹی میں براہِ راست نسل کشی کا مشاہدہ کیا ہے،ہم اپنے ڈاکٹروں کو غزہ بھیجنے کے لیے تیار ہیں اور میں وہاں موجود ہیروز کے ساتھ مسلسل رابطے میں ہوں۔

انہوں نے مزید وضاحت کی کہ فلسطینی عوام کی کہانی اور ان کے دکھوں کو دنیا بھر تک پہنچنا چاہیے، اسرائیل نسل کشی کر رہا ہے، بین الاقوامی فوجداری عدالت نے اسرائیلی وزیرِ اعظم اور سابق وزیرِ جنگ کے وارنٹِ گرفتاری جاری کیے، لیکن ڈونلڈ ٹرمپ نے انہیں نظر انداز کر دیا،ہم قاہرہ میں ہلالِ احمر کے ساتھ رابطے میں ہیں تاکہ غزہ کے لیے امداد بھیجی جا سکے۔

کولمبیا کے صدر نے کہا کہ اسرائیل سب پر ظلم کر رہا ہے، چاہے وہ عیسائی ہوں یا عرب، میں ان ممالک سے اپیل کرتا ہوں جو اس نسل کشی کی حمایت میں شریک رہے ہیں کہ وہ اپنی غلطی کا ازالہ کریں اور غزہ کی تعمیرِ نو میں حصہ لیں،غزہ دنیا کی مزاحمت کا دارالحکومت ہے۔

انہوں نے اپنے بیان کے آخر میں مزید کہا کہ جو کچھ سوڈان میں ہو رہا ہے، وہ بھی نسل کشی ہے۔