اسرائیل کے خلاف ایرانی حملے کے بارے میں سابق صیہونی وزیر جنگ کا تازہ ترین انکشاف

سچ خبریں:اسرائیل کے سابق وزیر جنگ یواو گالانت نے انکشاف کیا ہے کہ ایران نے اکتوبر میں اسرائیل پر 200 سے زائد بیلسٹک میزائل داغے جن میں سے متعدد نے اہداف کو نشانہ بنایا اور بھاری تباہی مچائی۔

اسرائیل کے سابق وزیر جنگ یواو گالانت نے آپریشن وعدہ صادق کے متعلق اہم انکشافات کرتے ہوئے اعتراف کیا ہے کہ ایران نے اسرائیل پر 200 سے زائد بیلسٹک میزائل داغے جن میں سے کئی اپنے ہدف پر لگے اور شدید تباہی کا سبب بنے۔

یہ بھی پڑھیں: بین الاقوامی اخلاقیات کے نقطہ نظر سے ایران اور اسرائیل کا فوجی رویہ

المیادین نیوز چینل کی رپورٹ کے مطابق اسرائیل کے سابق وزیر جنگ یواو گالانت نے کہا کہ ایران کی جانب سے داغے گئے کئی میزائل 500 سے 900 کلوگرام دھماکہ خیز مواد پر مشتمل تھے، اور ہم ان میں سے بہت سوں کو روکنے میں ناکام رہے،ان کا مزید کہنا تھا کہ یہ میزائل اسرائیلی سرزمین پر گرے اور براہ راست اہداف کو نشانہ بنایا، جس کے نتیجے میں بھاری نقصان ہوا۔

انہوں نے اعتراف کیا کہ اکتوبر میں ایران کی جانب سے کیے گئے حملوں کے دوران اسرائیلی دفاعی نظام کئی میزائلوں کو روکنے میں ناکام رہا ،یہ حملہ ہماری دفاعی صلاحیتوں کے لیے ایک سخت امتحان تھا، اور حقیقت یہ ہے کہ ہم نے بہت کچھ کھویا۔

مزید پڑھیں:وعدہ صادق آپریشن کے بارے میں پاکستانی ماہرین کا نقطہ نظر

یہ اعتراف اس وقت سامنے آیا ہے جب اسرائیلی عوام اور سیاستدانوں کے درمیان دفاعی ناکامیوں پر شدید تنقید جاری ہے، خاص طور پر ایران اور اس کے اتحادیوں کے ساتھ جاری کشیدگی کے تناظر میں۔