نیویارک میں دھماکہ اور خوفناک آتشزدگی؛ متعدد افراد زخمی

?️ 23 مئی 2026

سچ خبریں:امریکی ذرائع ابلاغ کے مطابق نیویارک کے اسٹیٹن آئی لینڈ میں واقع ایک جہاز سازی کارخانے میں دھماکے اور آگ لگنے کے نتیجے میں کم از کم 16 افراد زخمی ہوگئے، جن میں 3 کی حالت تشویشناک بتائی جا رہی ہے۔

امریکی نیوز ایجنسی ایسو سی ایٹڈ نے رپورٹ دی ہے کہ نیویارک کے علاقے اسٹیٹن آئی لینڈ میں واقع ایک جہاز سازی کارخانے میں شدید آگ بھڑک اٹھی جس کے ساتھ دھماکے کی آوازیں بھی سنی گئیں۔

رپورٹ کے مطابق اس حادثے میں کم از کم 16 افراد زخمی ہوئے ہیں، جبکہ 3 افراد کی حالت تشویشناک بتائی جا رہی ہے۔

اب تک آگ لگنے کی وجوہات کے حوالے سے مزید تفصیلات سامنے نہیں آ سکیں، جبکہ امدادی اور فائر بریگیڈ کی ٹیمیں آگ پر قابو پانے کی کوششوں میں مصروف ہیں۔