?️
سچ خبریں:صیہونی فوج کی جانب سے جنین میں غیر ملکی سفارتکاروں اور سفیروں پر فائرنگ کے واقعے پر فرانس، جرمنی، اسپین، ہالینڈ، پرتگال، اٹلی، ترکی، بیلجیئم اور یورپی یونین سمیت کئی ممالک نے شدید مذمت، اسرائیلی سفیروں کی طلبی اور فوری تحقیقات کا مطالبہ کیا۔
الجزیرہ نیوز چینل کی رپورٹ کے مطابق صیہونی فوج کی جانب سے مقبوضہ مغربی کنارے کے شہر جنین میں غیر ملکی سفارتکاروں اور سفیروں پر فائرنگ کے واقعے نے یورپ اور مغربی ممالک میں شدید غم و غصے کی لہر دوڑا دی ہے۔
یہ بھی پڑھیں:صیہونیوں کے ہاتھوں یروشلم اور جنین میں 5 فلسطینی شہید / غزہ کی سرحدوں پر صیہونی فوج میں الرٹ جاری
جنین میں 30 رکنی سفارتی وفد، جس میں یورپی و عرب ممالک کے سفارتکار شامل تھے، انسانی بحران اور اسرائیلی فوج کے حملوں کے اثرات کا جائزہ لینے کے لیے علاقے کا دورہ کر رہا تھا کہ اچانک اسرائیلی فوج نے ان کی کاروان پر فائرنگ کر دی،خوش قسمتی سے واقعے میں کوئی جانی نقصان نہیں ہوا، تاہم سفارتی وفد میں خوف و ہراس پھیل گیا۔
فرانس:
فرانسیسی وزیر خارجہ نے اس واقعے کو ناقابل قبول قرار دیتے ہوئے اسرائیلی سفیر کو وضاحت کے لیے طلب کرنے کا اعلان کیا۔
ہالینڈ:
ڈچ وزیر خارجہ نے فائرنگ کی شدید مذمت کی اور متعلقہ اقدامات کا اعلان کیا۔
پرتگال:
پرتگالی وزیر خارجہ نے کہا کہ ان کا سفیر بھی قافلے میں موجود تھا، اور اس حملے پر اسرائیلی سفیر کو طلب کیا جائے گا۔
اسپین:
اسپین نے فائرنگ کی سخت مذمت اور فوری شفاف تحقیقات کا مطالبہ۔ اسرائیلی سفیر کی طلبی۔
بیلجیئم:
بیلجیئم حکومت نے کہا کہ دورہ اسرائیلی فوج سے باقاعدہ اجازت کے بعد کیا گیا تھا، پھر بھی فائرنگ ہوئی، جس پر وضاحت طلب کی گئی ہے۔
اٹلی:
اٹلی نے اسرائیلی سفیر کو وضاحت کے لیے طلب کیا گیا۔
فن لینڈ، ڈنمارک، آئرلینڈ:
فن لینڈ، ڈنمارک، آئرلینڈ نے فائرنگ کی شدید مذمت اور اسرائیل سے جواب طلبی۔
جرمنی:
جرمنی نے فائرنگ پر شدید غم و غصہ اور مذمت کی۔
ترکی:
ترک وزارت خارجہ نے بھی فائرنگ کی سخت مذمت کی اور اپنے سفارتکار کے متاثر ہونے کی تصدیق کی۔
یورپی یونین:
یورپی یونین کی خارجہ پالیسی کے سربراہ نے سفارتکاروں کی جان کو خطرے میں ڈالنا ناقابل قبول قرار دیا اور اسرائیل سے جواب دہی کا مطالبہ کیا۔
برطانیہ:
مشرق وسطیٰ کے برطانوی وزیر نے واقعے کو ناقابل قبول قرار دے کر شفاف تحقیقات اور قانونی کارروائی کا مطالبہ کیا۔
ناروے
ناروے کے نائب وزیر خارجہ نے اسرائیل سے جارحانہ اقدامات اور جنگ کے فوری خاتمے کا مطالبہ کیا، انسانی ہمدردی کی بنیاد پر غزہ میں امداد کی فراہمی کی اجازت دینے پر زور دیا اور کہا کہ بین الاقوامی انسانی قوانین اور سفارتکاروں کی سکیورٹی کا احترام ضروری ہے۔
مزید پڑھیں:اسرائیل نے جنین شہر کے داخلی راستے کیے بند
اس کے علاوہ بھی کئی ممالک نے اسرائیلی سفیروں کو طلب کرکے سرکاری وضاحتیں مانگ لی ہیں جبکہ بعض نے اسرائیل پر پابندیوں اور سفارتی و اقتصادی بائیکاٹ کی تجویز بھی دی ہے۔
آئرلینڈ اور اسپین سمیت متعدد ممالک نے مکمل اور شفاف تحقیقات اور ذمہ داروں کے خلاف کارروائی کا مطالبہ کیا ہے۔
Short Link
Copied


مشہور خبریں۔
سعودی حکومت کا کورونا پابندیاں ختم کرنے کا اعلان
?️ 23 مارچ 2022سچ خبریں:سعودی عرب کی حکومت نے خانۂ کعبہ کے زائرین سمیت تمام
مارچ
شہید امام خامنہ ای ، بہادری کی علامت تھے
?️ 2 جولائی 2026سچ خبریں: شیخ کفاح محمد، چیئرمین مرکز برائے اسلامی تعاون ماسکو نے ایک
جولائی
پی ڈی ایم کی چیف جسٹس کے خلاف ’سازش‘ کچل دی گئی، پی ٹی آئی
?️ 14 اپریل 2023اسلام آباد:(سچ خبریں) پاکستان تحریک انصاف (پی ٹی آئی) نے کہا ہے
اپریل
سعودی حکومت یمن کے بحران سے نکلنے کے راستے کی تلاش میں
?️ 9 دسمبر 2021سچ خبریں:ماہرین اور مبصرین کا خیال ہے کہ یمنی فورسز کی "7
دسمبر
اقوام متحدہ کا داعش کے بڑھتے خطرات اور جدید طریقوں پر تشویش کا اظہار
?️ 5 فروری 2026سچ خبریں:اقوام متحدہ کے انسداد دہشت گردی کے اعلیٰ عہدیدار نے سلامتی
فروری
سعودی اتحاد کی یمن جنگ بندی کی مسلسل خلاف ورزیاں
?️ 5 ستمبر 2022سچ خبریں:گزشتہ 24 گھنٹوں میں سعودی جارح اتحاد نے یمن کے شہر
ستمبر
عالمی برادری افغان تنازع کے حل کے لئے اپنا کردار ادا کرے: پاکستان
?️ 16 اگست 2021اسلام آباد (سچ خبریں) افغان تنازع کے حل کے لئے پاکستان نے
اگست
ایران کے نئے صدر سید ابراہیم رئیسی نے حلف اٹھاتے ہی خطے کے تمام ممالک سے دوستی کے عزم کا اظہار کردیا
?️ 6 اگست 2021تہران (سچ خبریں) ایران کے نئے صدر سید ابراہیم رئیسی نے حلف
اگست