کیا اسرائیل اور شام کی جنگ ہو سکتی ہے؟ نیتن یاہو کا بیان

🗓️ 16 دسمبر 2024

سچ خبریں:صیہونی وزیر اعظم بنیامین نیتن یاہو نے کہا ہے کہ اسرائیل کا شام کے ساتھ کسی بھی قسم کے مقابلے کا کوئی فائدہ نہیں اور نہ ہی اس سلسلے میں ان کا کوئی ارادہ ہے۔

العربیہ ٹی وی چینل کی رپورٹ کے مطابق صیہونی وزیر اعظم نیتن یاہو نے کہا کہ انہوں نے امریکہ کے منتخب صدر ڈونلڈ ٹرمپ سے غزہ میں فلسطینی مزاحمت کے ہاتھوں صہیونی قیدیوں کی رہائی کے بارے میں بات کی ہے۔

یہ بھی پڑھیں: ہمارا اسرائیل کے ساتھ تصادم کا کوئی ارادہ نہیں ہے: الجولانی

انہوں نے مزید کہا کہ اسرائیل اپنے قیدیوں کو واپس لانے کی کوششوں کو جاری رکھے گا اور اس بارے میں زیادہ گفتگو کرنا بہتر نہیں سمجھتے۔

نیتن یاہونے شام کے بارے میں کہا کہ ہمیں شام کے ساتھ کسی مقابلے کا کوئی فائدہ نہیں اس لیے اس سلسلے میں ہمارا کوئی ارادہ بھی نہیں ہے۔

انہوں نے دعویٰ کیا کہ اسرائیل علاقے میں امن و استحکام کے لیے حکمت اور طاقت کے ساتھ کام کر رہا ہے۔

انہوں نے اس سے پہلے شام کی اسرائیل کے خلاف دشمنی کا ذکر کیا اور کہا کہ حالیہ دنوں میں اسرائیل نے اسد حکومت کے ذریعے حاصل کی گئی فوجی صلاحیتوں کو تباہ کر دیا ہے۔

مزید پڑھیں: شامی فوج کو تباہ کرنے کے لیے اسرائیل کی دو دھاری تلوار

نیتن یاہونے یہ بھی دعویٰ کیا کہ اسرائیل نے شام کے راستے حزب اللہ کو اسلحے کی ترسیل کی راہ میں رکاوٹ ڈالی ہے اور اسلحہ کی ترسیل روکنے کے لیے اقدامات کرتا رہے گا۔