صیہونی فوج کی شام کی سرحدوں کے قریب نقل و حرکت کے بارے میں متضاد دعوے

?️ 15 اکتوبر 2024

سچ خبریں: عرب میڈیا نے یہ دعویٰ کیا ہے کہ اسرائیلی فوج شام کے سرحدی علاقوں کے قریب بھی آہستہ آہستہ پیش قدمی کر رہی ہے۔

الجزیرہ نے اپنی ایک خبر میں دعویٰ کیا ہے کہ اسرائیلی فوج نے اپنے بلڈوزروں کے ساتھ شام کے قنیطرہ صوبے کے سرحدی علاقے الأصبح کے 100 میٹر اندر تک پیش قدمی کی ہے اور زمینی رکاوٹیں کھڑی کرنے کے لیے زرعی زمینوں کو تباہ کرنا شروع کر دیا ہے۔

یہ بھی پڑھیں: لبنان کی سرحد پر صیہونی فوجیوں پر حزب اللہ کے پے در پے حملے

عرب میڈیا نے یہ دعویٰ کیا ہے کہ لبنان کی سرحدوں کے قریب مزاحمتی مجاہدین اور اسرائیلی فوجیوں کے درمیان جاری جھڑپوں کے ساتھ ساتھ، اسرائیلی فوج شام کی سرحدی علاقوں کے قریب بھی آہستہ آہستہ پیش قدمی کر رہی ہے۔

اس رپورٹ کے مطابق الجزیرہ نے کسی معتبر ذرائع کے حوالے کے بغیر یہ دعویٰ کیا ہے کہ قابض فوج نے شام کے قنیطرہ صوبے کے جنوبی مغربی علاقے میں واقع الأصبح گاؤں کے قریب اپنی سرگرمیاں شروع کر دی ہیں، جو مقبوضہ جولان کی پہاڑیوں کے سامنے ہے۔

مزید پڑھیں:  خطے میں اسرائیلی دہشت گردی کے نتائج کے بارے میں شام کا انتباہ

رپورٹ میں مزید دعویٰ کیا گیا ہے کہ اسرائیلی فوجی اپنے بلڈوزروں کے ذریعے شام میں 100 میٹر اندر تک پیش قدمی کر چکے ہیں اور زمینی رکاوٹیں بنانے کے لیے زرعی زمینوں کو تباہ کر رہے ہیں۔