اسرائیل فوراً غزا میں فوجی کارروائیاں بند کرے:چین

سچ خبریں:چین نے اقوام متحدہ میں اسرائیلی جارحیت پر سخت ردعمل دیتے ہوئے مطالبہ کیا ہے کہ اسرائیل فوراً غزا میں فوجی کارروائیاں بند کرے اور ظلم و بربریت کا سلسلہ روکے۔  

یہ بھی پڑھیں: غزہ پر صیہونی حکومت کے وحشیانہ حملوں پر ریاض اور دوحہ کا ردعمل

الجزیرہ نیوز چینل کی رپورٹ کے مطابق، اقوام متحدہ میں چین کے نمائندے نے کہا کہ ہم غزا میں فوری اور مستقل جنگ بندی کے حامی ہیں اور اسرائیل سے مطالبہ کرتے ہیں کہ وہ فوجی طاقت کے استعمال کو ترک کرے اور معصوم شہریوں کے قتل عام کو روکے۔

اسلامی تعاون تنظیم (OIC) نے بھی اسرائیلی بمباری کی مذمت کرتے ہوئے کہا کہ صیہونی فوج کی تازہ جارحیت کے نتیجے میں سینکڑوں فلسطینی شہید، زخمی اور لاپتہ ہو چکے ہیں، جن میں بڑی تعداد عورتوں، بچوں اور بوڑھوں کی ہے۔ یہ سب اسرائیل کے جاری جنگی جرائم اور نسل کشی کی کھلی مثال ہے۔

مزید پڑھیں:غزہ جنگ کے دوبارہ شروع ہونے پر صہیونی خاندانوں کا خوفناک ردعمل

چین اور اسلامی تعاون تنظیم دونوں نے عالمی برادری سے فوری اقدامات کا مطالبہ کرتے ہوئے کہا کہ یہ وقت صرف مذمت کرنے کا نہیں بلکہ عملی اقدامات اٹھانے کا ہے تاکہ اسرائیلی جارحیت کو روکا جا سکے۔