کیا اسرائیل ایران کے ایٹمی پروگرام کا کچھ بگاڑ سکتا ہے؟؛صیہونی میڈیا کا اہم اعتراف 

سچ خبریں:صیہونی اخبار نے تسلیم کیا ہے کہ ایران کے ایٹمی پروگرام کو اسلامی نظام کی موجودگی میں روکا نہیں جا سکتا۔ ایران نے اسرائیل کو اسٹریٹجک سطح پر نقصان پہنچایا، جبکہ تل ابیب سیاسی و دفاعی بحران کا شکار ہے۔

صیہونی ریاست کے عبری زبان اخبار ماکور ریشیون نے اپنے ایک تجزیاتی کالم میں اعتراف کیا ہے کہ ایران کا ایٹمی پروگرام اب اس سطح تک پہنچ چکا ہے جہاں اس کا راستہ صرف تبھی روکا جا سکتا ہے جب ایرانی حکومت کا نظام تبدیل ہو ، جب تک اس ملک میں اسلامی حکومت ہے، تب تک یہ ممکن نہیں۔

یہ بھی پڑھیں:ایران کے پرامن جوہری پروگرام کے خلاف نیتن یاہو کی نئی بیان بازی

تجزیہ نگار امی راباپورت نے اس کالم میں واضح کیا ہے کہ ایران نے حالیہ برسوں میں ایٹمی میدان میں غیرمعمولی پیشرفت کی ہے،دوسری جانب اسرائیل کی توجہ مکمل طور پر غزہ کی جنگ اور اپنے داخلی سیاسی بحران پر مرکوز رہی، جس کی وجہ سے وہ ایران کے ایٹمی پروگرام جیسے بڑے اور اسٹریٹجک مسئلے سے غافل رہا۔

رپورٹ میں کہا گیا ہے کہ دنیا بھر کی انٹیلیجنس ایجنسیاں اس پر متفق ہیں کہ ایران کو اس کی سرزمین پر یورینیم کی افزودگی سے روکنا ممکن نہیں، اس کا واحد حل یہ ہے کہ سابق امریکی صدر باراک اوباما کے دور کی طرز پر کوئی معاہدہ کیا جائے، یا پھر کسی معاہدے کی توقع ہی نہ رکھی جائے۔

رپورٹ کے مطابق صیہونی فوج چاہے کتنے ہی شدید حملے کرے، وہ ایران کے ایٹمی پروگرام کو مکمل طور پر ختم نہیں کر سکتی۔ ایران نے 2010 کے استاکس‌نت سائبر حملے کے بعد اپنے سینٹری فیوجز کو انتہائی محفوظ اور پہاڑی علاقوں میں منتقل کر دیا ہے – جن میں بعض مقامات 4000 میٹر کی بلندی پر واقع ہیں۔

ایران کا رقبہ اسرائیل سے 80 گنا زیادہ ہے، اور اس کی سرحدیں افغانستان کے پہاڑی علاقوں تک پھیلی ہوئی ہیں،اس جغرافیائی وسعت کے باعث ایران پر مؤثر ہوائی حملہ نہایت دشوار اور پیچیدہ ہوگا۔

صیہونی میڈیا نے اعتراف کیا کہ 1 اکتوبر کو ایران کی جانب سے داغے گئے سینکڑوں بیلسٹک میزائلوں نے اسرائیل کی دفاعی لائنز کو چیلنج کیا،ان میزائلوں نے نہ صرف اسرائیلی اہداف کو نشانہ بنایا بلکہ ان میں سے کئی جدید ٹیکنالوجی سے لیس تھے، جو صیہونی اور امریکی دفاعی نظاموں کو بھی عبور کر گئے۔

رپورٹ میں لکھا گیا ہے کہ ایرانی فوج، جب بھی چاہے، صیہونی ریاست کو براہِ راست حملہ کر کے شدید نقصان پہنچانے کی صلاحیت رکھتی ہے۔

تجزیہ نگار کا کہنا ہے کہ اسرائیل اور امریکہ آج کمزوری کی حالت میں ہیں، متعدد سفارتی ناکامیوں کے باعث دونوں کی عالمی سطح پر ساکھ متاثر ہوئی ہے، اس وقت، کینیڈا سے سنگاپور تک وہ ممالک بھی فلسطینی ریاست کے قیام کی حمایت کر رہے ہیں، جو ماضی میں اسرائیل کے اتحادی تھے، نیویارک میں آئندہ دو ہفتوں کے اندر ہونے والی کانفرنس میں اس حمایت کے مزید آثار سامنے آئیں گے۔

مزید پڑھیں:ایران امریکہ جوہری مذاکرات کا مستقبل

رپورٹ کے اختتام پر لکھا گیا کہ اب اسرائیل وہ بین الاقوامی اتحاد اکٹھا کرنے کے قابل نہیں رہا جو 7 اکتوبر کی شب اس کے دفاع کے لیے اکٹھا ہوا تھا۔