برکس ممالک غلہ کی مارکیٹ میں نئی حکمرانی کی طرف گامزن  

سچ خبریں:روسی حکومت نے برکس غلہ ایکسچینج کے قیام کے موضوع پر ایک خصوصی میٹنگ کا انعقاد کیا ہے۔  

ٹی وی برکس کے مطابق، روسی حکومت نے برکس رکن ممالک کے نمائندوں کے ساتھ غلہ کے نئے تجارتی پلیٹ فارم کے قیام کے حوالے سے تکنیکی اجلاس منعقد کیا۔ اس میٹنگ میں شرکاء نے اس ایکسچینج کے قیام اور فعالیت کے طریقہ کار، نیز تجارتی پلیٹ فارمز، پروڈیوسرز اور برآمد کنندگان کے ساتھ تعاون کے طریقوں پر تفصیلی تبادلہ خیال کیا۔

یہ بھی پڑھیں:ابھرتی ہوئی معیشتوں پر برکس کے اثرات

روسی نائب وزیراعظم دیمیتری پیٹروشیف نے کہا کہ 2024 میں برکس ممالک کے زرعی وزراء اور اتحاد کے رہنماؤں نے اس منصوبے کی حمایت کی ہے۔

انہوں نے زور دے کر کہا کہ برکس ممالک دنیا کے تقریباً نصف غلہ کی پیداوار اور کھپت کے مالک ہیں لہٰذا، یہ تجارتی پلیٹ فارم ممبر ممالک کو اتحاد کے اندر آزاد قیمتی اشاریے تشکیل دینے کا موقع فراہم کرے گا، جو عالمی مارکیٹ میں زرعی مصنوعات کی قدر کا زیادہ معروضی اندازہ کرنے میں معاون ثابت ہوگا۔

رپورٹ کے مطابق، روسی وزارت اقتصادی ترقی کی قیادت میں ایک بین الحکومتی ورکنگ گروپ کو اس ایکسچینج کے قیام کے لیے عملی تجاویز تیار کرنے کا کام سونپا گیا ہے۔

یہ اقدام روسی صدر ولادیمیر پیوٹن کے 2024 میں برکس غلہ ایکسچینج کے قیام کی عملی امکان کا جائزہ لینے کی ہدایت کے بعد سامنے آیا ہے۔

مزید پڑھیں:برکس کرنسیوں کے بارے میں ٹرمپ کے خدشات پر کریملن کا ردعمل

اس ایکسچینج کے قیام کا خیال سب سے پہلے مارچ 2023 میں غلہ برآمد کنندگان کے اتحاد نے پیوٹن کے ساتھ ملاقات میں پیش کیا تھا۔