امریکہ کی جانب سے صیہونی حکومت کو بھاری مقدار میں اسلحہ بھیجنے پر انصار اللہ کا ردعمل!

سچ خبریں:یمن کی انصار اللہ تحریک کے ایک اعلیٰ عہدیدار نے امریکہ کی جانب سے صہیونی حکومت کو بھاری مقدار میں اسلحہ بھیجنے کے اعلان پر شدید ردعمل ظاہر کیا ہے۔

شھاب خبررساں ایجنسی کی رپورٹ کے مطابق یمن کی انصار اللہ تحریک کے رہنما نصرالدین عامر نے کہا کہ امریکہ نے اعلان کیا ہے کہ وہ اسلحہ کی ایک بڑی کھیپ، جس میں جنگی ساز و سامان اور بم شامل ہیں، اسرائیل کے حوالے کرے گا۔

یہ بھی پڑھیں:اسرائیل کو ہتھیاروں کی فروخت بند ہونی چاہیے: برنی سینڈرز

انہوں نے مزید کہا کہ یہ ایسے وقت میں ہو رہا ہے جب کچھ طاقتیں مزاحمتی گروہوں کو غیر مسلح کرنے کی کوششوں میں مصروف ہیں۔

نصرالدین عامر نے سوال اٹھایا کہ یہ کیسا کھلا تضاد ہے؟ ایک طرف مظلوموں کے ہاتھ سے اسلحہ چھینا جا رہا ہے، اور دوسری طرف قاتل کو مزید مہلک ہتھیار فراہم کیے جا رہے ہیں۔

یاد رہے کہ کل اسرائیلی اخبار یدیعوت احرونٹ نے باخبر ذرائع کے حوالے سے رپورٹ دی تھی کہ اسرائیلی فوج جلد ہی واشنگٹن سے ایک بڑی جنگی اسلحہ کی کھیپ وصول کرے گی، جس میں 3000 سے زائد مختلف اقسام کے گولہ بارود شامل ہوں گے۔

مزید پڑھیں:امریکہ اور اسرائیل کے درمیان بڑا سودا

ذرائع کے مطابق، یہ اسلحہ امریکی صدر ڈونلڈ ٹرمپ کی حکومت کی منظوری سے بھیجا جا رہا ہے، تاکہ اسرائیلی فضائیہ غزہ کی پٹی میں ایک بڑی فوجی کارروائی کے لیے مکمل طور پر تیار ہو سکے۔