?️
واشنگٹن (سچ خبریں) امریکا میں ایک اور سیاہ فام امریکی پولیس کی دہشت گردی کا شکار ہوگیا جس کے بعد اب ملک بھر میں شدید ہنگامے شروع ہوگئے ہیں۔
غیر ملکی میڈیا کے مطابق امریکی ریاست منی سوٹا میں پولیس کے ہاتھوں سیاہ فام شہری کی ہلاکت کا واقعہ اسی مقام کے قریب پیش آیا جہاں گزشتہ سال سیاہ فام شہری جارج فلائیڈ کی پولیس کے ہاتھوں ہلاکت ہوئی تھی۔
میڈیا رپورٹس میں بتایا گیا ہے کہ مینیاپولس شہر کے شمال میں واقع شہر بروک لائن سینٹر میں پولیس نے گاڑی نہ روکنے پر شہری پر فائرنگ کی جس کے نتیجے میں وہ اپنی گاڑی میں ہی ہلاک ہوگیا۔
برطانوی میڈیا کے مطابق پولیس کی فائرنگ سے ہلاک شخص 20 سال کا نوجوان ہے جو ایک سیاہ فام شہری ہے۔
برطانوی میڈیا کا بتانا ہےکہ سیاہ فام شہری کی ہلاکت کے بعد مینیاپولس اور بروک لائن سینٹر میں ہنگامے پھوٹ پڑے جس پر بروک لائن کے میئرنے شہر میں کرفیو نافذ کردیا جب کہ شہریوں کو گھروں میں رہنے کی ہدایت کی گئی ہے۔
میڈیا رپورٹس کے مطابق شہری کی ہلاکت کے بعد سینکڑوں مظاہرین پولیس کی بربریت کے خلاف سڑکوں پر نکل آئے اور بروک لائن پولیس ہیڈکوارٹر کے سامنے جمع ہوگئے جہاں انہوں نے شدید نعرے بازی کی جب کہ مظاہرین نے پولیس کی گاڑیوں پر پتھراؤ بھی کیا جس سے پولیس کی کچھ گاڑیوں کو نقصان پہنچا۔
پولیس نے حالات کشیدہ ہونے پر مظاہرین کو منتشر کرنے کے لیے آنسو گیس کی شیلنگ کی جب کہ شہر میں ہنگاموں کے دوران لوٹ مار کی وارداتیں بھی ہوئیں جس کی وجہ سے کرفیو نافذ کیا گیا، اس کے علاوہ بروک لائن شہر میں تمام اسکولز بند کردیے گئے اور دیگر سرگرمیاں بھی معطل کردی گئی ہیں۔
ریاست منی سوٹا کے گورنر کا کہنا ہےکہ شہر کی صورتحال کا بغور جائزہ لے رہے ہیں جب کہ ہلاک شہری کے اہلخانہ کے لیے دعاگو ہیں۔
دوسری جانب بروک لائن پولیس نے اپنے بیان میں کہا ہےکہ پولیس افسران نے ٹریفک قوانین کی خلاف ورزی پر ایک شخص کو روکنے کی کوشش کی جس پر پولیس کو پتا چلا کہ اس شخص کے وارنٹ گرفتاری جاری ہوچکے ہیں، پولیس نے اسے گرفتار کرنے کی کوشش کی تو وہ گاڑی میں گھس گیا۔
پولیس کے مطابق ایک افسر نے اس گاڑی کے ڈرائیور پر فائرنگ کی جس نے بلاکس توڑتے ہوئے فرار ہونے کی کوشش کی جب کہ فائرنگ کے نتیجے میں شہری موقع پر ہی ہلاک ہوا۔


مشہور خبریں۔
نتن یاہو،غزہ کے لیے ٹرمپ کے منصوبے کی سب سے بڑی رکاوٹ
?️ 17 نومبر 2025 نتن یاہو، غزہ کے لیے ٹرمپ کے منصوبے کی سب سے
نومبر
کیا اسرائیل ایک برے معاہدے کی طرف بڑھ رہا ہے؟
?️ 15 جنوری 2025سچ خبریں: مشہور اسرائیلی مصنف اور محقق شلومی ایلدار نے آنے والے
جنوری
اسرائیل ہرگز امن نہیں چاہتا‘ حملوں کی محض مذمت کافی نہیں اب راستہ روکنا ہوگا، اسحاق ڈار
?️ 16 ستمبر 2025دوحہ: (سچ خبریں) نائب وزیراعظم اور وزیر خارجہ اسحاق ڈار کا کہنا
ستمبر
بہت جلد ایران کے بارے میں فیصلہ کروں گا:ٹرمپ
?️ 14 اپریل 2025 سچ خبریں:امریکی صدر ڈونلڈ ٹرمپ نے کہا ہے کہ ایران سے
اپریل
حماس نے صیہونیوں کی خطرناک حرکتوں کے بارے میں خبردار کیا
?️ 21 دسمبر 2024سچ خبریں: تحریک حماس کے قدس امور کے سربراہ ہارون ناصر الدین
دسمبر
کیا جو بائیڈن صدارتی انتخاب سے دستبردار ہوں گے؟
?️ 4 جولائی 2024سچ خبریں: امریکہ میں زیادہ تر پولز امریکہ کے موجودہ صدر جو
جولائی
ہم ہر جنگ میں فاتح ہیں: ٹرمپ کا دعویٰ
?️ 28 اکتوبر 2025سچ خبریں: امریکی سابق صدر ڈونلڈ ٹرمپ نے جاپان میں امریکی فوجی اڈے
اکتوبر
ٹرمپ کا یوٹرن؛ ایران کی یورینیم افزودگی مکمل روکنے کا مؤقف نرم، محدود سطح پر رضامندی
?️ 15 جون 2026سچ خبریں:امریکی صدر ڈونلڈ ٹرمپ نے ایران کے ساتھ ممکنہ معاہدے میں
جون