200 امریکی افغانستان چھوڑنے کے خواہاں

23 اکتوبر 2021

سچ خبریں:بائیڈن انتظامیہ نے کانگریس کو آگاہ کیا ہے کہ 300 سے زائد امریکی اب بھی افغانستان میں موجود ہیں جن میں سے 176 اس کوملک چھوڑنے کے خواہاں ہیں۔
امریکی کانگریس انفارمیشن سروس کی رپورٹ کے مطابق امریکی محکمہ خارجہ نے قانون سازوں کو آگاہ کیا ہے کہ وہ افغانستان میں 363 امریکیوں کے ساتھ رابطے میں ہے جن میں سے 176 افغانستان چھوڑنے کے خواہاں ہیں۔

رپورٹ کے مطابق ، افغانستان میں اب بھی امریکی شہریوں کی ایک تعداد موجود ہے جو یہ ملک چھوڑنے کے خواہاں ہیں جبکہ یہ تعداد امریکی وزیر خارجہ انتھونی بلنکن کے پہلے اعلان کے مقابلے میں زیادہ ہے،بلنکن پہلے کہہ چکے ہیں کہ 200 سے کم یا تقریبا 100 امریکی افغانستان میں ہیں جو اس ملک کو چھوڑنا چاہتے ہیں۔

یادرہے کہ 5 ستمبر کو وائٹ ہاؤس کے چیف آف سٹاف رون کلین نے افغانستان چھوڑنے کے منتظر امریکی شہریوں کی تعداد 100 کے قریب بتائی جبکہ بائیڈن انتظامیہ نے اگست کے آخر سے 234 امریکیوں کو افغانستان سے نکال لیا ہے۔