شام میں 10 نئے صیہونی فوجی اڈے قائم 

سچ خبریں:صہیونی میڈیا کے مطابق اسرائیلی فوج نے شام میں 10 نئے فوجی مراکز قائم کر لیے ہیں، جن میں سے دو جبل الشیخ اور آٹھ گولان میں ہیں، اسرائیلی فوج نے پہلی بار دمشق اور درعا کے نواحی دیہات میں بھی داخلہ کیا ہے۔

المیادین نیوز چینل کی رپورٹ کے مطابق اسرائیل نے شام میں 10 نئے فوجی مراکز قائم کر دیے، دمشق و درعا کے نواحی علاقوں میں فوجی سرگرمیوں میں اضافہ ہوا ہے۔

یہ بھی پڑھیں:صیہونی جنرل: فوج شام کے اندر اسٹریٹجک پوائنٹس پر موجود ہے

رپورٹ کے مطابق، اسرائیل سے وابستہ ذرائع نے انکشاف کیا ہے کہ اسرائیلی فوج نے شام میں 10 نئے فوجی مراکز قائم کیے ہیں، صہیونی ذرائع ابلاغ کے مطابق، ان میں سے دو مراکز جبل الشیخ کے علاقے میں جبکہ آٹھ مراکز گولان کے شامی علاقے میں قائم کیے گئے ہیں۔

یہ صورتحال اس وقت سامنے آئی ہے جب مقامی شامی ذرائع کے مطابق، اسرائیلی فوجی پہلی بار دمشق کے مغربی مضافات میں واقع رخلہ گاؤں میں داخل ہوئے، اطلاعات کے مطابق، تین اسرائیلی بکتر بند گاڑیاں اس گاؤں میں داخل ہوئیں جو لبنان کی سرحد کے قریب واقع ہے۔

اسی طرح، صہیونی فوجی درعا کے مغربی مضافات میں واقع صیصون گاؤں میں بھی داخل ہوئے، جہاں وہ چھ فوجی گاڑیوں کے ساتھ پہنچے۔ اسرائیلی ذرائع کے مطابق، اسرائیلی فوج نے سابقہ شامی فوجی مرکز کے قریب واقع عین ذکر گاؤں میں بھی اپنی موجودگی کو مضبوط کیا ہے۔

مزید پڑھیں:شامیوں کو امریکی زہریلی رشوت / کاغذ پر نیا مشرق وسطیٰ

شامی علاقوں میں اسرائیلی فوج کی اس سرگرمی کو خطے میں نئی کشیدگی کے تناظر میں دیکھا جا رہا ہے۔