طوفان الاقصی نے اسرائیل کے ساتھ کیا کیا؟صیہونی اخبار کی رپورٹ

?️ 8 اکتوبر 2024

سچ خبریں: صیہونی اخبار نے 7 اکتوبر 2023 کو انجام پانے والے طوفان الاقصی کی سالگرہ کے موقع پر اپنی رپورٹ میں اسرائیل کی بڑی اور تاریخی شکست کا اعتراف کیا ہے، اخبار نے تسلیم کیا کہ اسرائیلی فوج صرف چند منٹوں میں مکمل طور پر تباہ ہو گئی تھی۔

صیہونی اخبار ہارٹیز نے اپنی ایک رپورٹ میں لکھا ہے کہ 7 اکتوبر کی تباہ کن شکست اسرائیل کا پیچھا کرتی رہے گی اور یہ واقعہ صیہونی ریاست کی تاریخ کی سب سے بڑی ناکامی کے طور پر یاد رکھا جائے گا۔

یہ بھی پڑھیں: طوفان الاقصی کے بارے میں صیہونی فوج کا اعتراف

ہارٹیز نے اپنی رپورٹ میں اس واقعے کے ایک سال گزرنے پر لکھا کہ اسرائیل ابھی تک اپنے دشمنوں کے ساتھ جاری تنازعات کو حل نہیں کر سکا اور فتح حاصل کرنے سے بہت دور ہے۔

رپورٹ میں مزید کہا گیا ہے کہ 7 اکتوبر 2023 کو اسرائیلی فوجی نظام صرف چند منٹوں میں تباہ ہوگیا تھا اور حماس کے رہنما یحییٰ السنوار نے اسرائیل کو اس کی تاریخ کا سب سے بڑا نقصان پہنچایا۔

یاد رہے کہ 7 اکتوبر 2023 کو فلسطینی مزاحمتی قوتوں نے اسرائیلی فوج کو ایک انتہائی شدید اور غیر متوقع ضرب لگائی، اسرائیلی ذرائع کے مطابق، یہ اسرائیل کی تاریخ کی سب سے بڑی شکست تھی۔

مزید پڑھیں: طوفان الاقصی کی ایک سالہ سالگرہ؛ وجوہات اور اسٹریٹجک نتائج

اس حملے میں اسرائیلی فوجی اور سکیورٹی نظام چند منٹوں میں مکمل طور پر منہدم ہو گیا جس کے اثرات آج تک جاری ہیں۔

ہارٹیز نے مزید لکھا کہ اس شکست کے نقصانات کو بھرنے میں شاید دہائیاں لگ جائیں ، اسرائیل کے لیے یہ نقصانات جلدی سے بحال کرنا ممکن نہیں ہوگا۔