یہ تل ابیب ہے یا غزہ؟

سچ خبریں:ایران کی جانب سے صہیونی جرائم کے جواب میں شروع کی گئی میزائل مہم وعدہ صادق 3 کے تحت اب تک 10 میزائل حملوں کی لہریں صہیونی علاقوں پر برس چکی ہیں، جنہوں نے تل ابیب، حیفا اور دیگر شہروں کو غزہ کی مانند تباہ حال منظر میں بدل دیا ہے۔

ان حملوں میں نہ صرف سینکڑوں میزائل داغے گئے بلکہ ان کے نتیجے میں بڑی سطح پر جانی و مالی نقصان بھی ہوا،صہیونی میڈیا کی اپنی رپورٹ کے مطابق، اب تک ایران 500 سے زائد میزائل مقبوضہ علاقوں پر داغ چکا ہے، جبکہ ایرانی ذرائع کے مطابق اصل تعداد اس سے کہیں زیادہ ہے۔

یہ بھی پڑھیں:ایرانی میزائل حملوں سے اسرائیل کو 550 ملین ڈالر کا نقصان

صہیونی حکومت نے ابتدا میں حملوں سے پیدا ہونے والی تباہی کی تصاویر کو عوامی سطح پر محدود نہیں کیا، تاہم جب عوامی دباؤ اور سماجی بحران بڑھنے لگا تو اس نے تصاویر کی اشاعت پر سخت پابندیاں عائد کرنا شروع کر دیں، اسرائیلی حکام اب تل ابیب اور دیگر شہروں کی جنگی حالت کو میڈیا سے چھپانے کی کوشش کر رہے ہیں۔

باوجود ان پابندیوں کے، کچھ میڈیا ذرائع نے ایسی تصاویر جاری کی ہیں جو تباہ حال تل ابیب کو غزہ سے مشابہ بناتی ہیں وہی ملبے کے ڈھیر، تباہ شدہ عمارتیں، سڑکوں پر خاک اور گڑھے، اور عام شہریوں کی افراتفری۔

صہیونی فوج اب بھی دعویٰ کر رہی ہے کہ اس نے ایرانی میزائلوں کا بڑی حد تک کامیاب دفاع کیا ہے، لیکن ان دعوؤں کی حقیقت تصاویر اور ویڈیوز میں واضح ہو چکی ہے، جن میں ایران کے بیلسٹک اور ہائپرسونک میزائلوں کے شدید اثرات دیکھے جا سکتے ہیں۔

مزید پڑھیں: صیہونیوں کے لیے سب سے زیادہ نقصان دہ جنگ

ایران کی یہ کارروائیاں، جو شہری آبادی پر حملے، ایرانی کمانڈروں اور سائنسدانوں کی شہادت کے جواب میں کی گئی ہیں، نہ صرف دفاعی نظام کی ناکامی کو بے نقاب کرتی ہیں بلکہ صہیونی ریاست کی اصل کمزوریوں کو بھی دنیا کے سامنے لے آئی ہیں۔