شہناز گِل کا بھی لتا کے انتقال پر دکھ کا اظہار

7 فروری 2022

ممبئی ( سچ خبریں ) بھارت کے معروف رئیلیٹی شو بگ باس کے سیزن 13 کی معروف کنٹسٹنٹ اور اداکارہ شہناز گِل نے بھی بھارتی لیجنڈری گلوکارہ لتا منگیشکر کے انتقال پر دُکھ کا اظہار کرتے ہوئے  کہا ہے کہ ہم اب بے آواز ہوگئے ہیں۔ لتا منگیشکر چل بسیں لیکن جاتے جاتے بالی ووڈ نگری کو شدتِ غم سے نڈھال کرگئیں۔

شہناز گل کا کہنا تھا کہ سُروں کی ملکہ لتا منگیشکر چل بسیں لیکن جاتے جاتے بالی ووڈ نگری کو شدتِ غم سے نڈھال کرگئیں۔لتا منگیشکر کے انتقال پر بھارتی شوبز شخصیات کی جانب سے شدید دُکھ کا اظہار کیا جارہا ہے اور اس حوالے سے شہناز گِل نے بھی مائیکرو بلاگنگ سائٹ ٹوئٹر پر خصوصی پیغام جاری کیا ہے۔

شہناز گِل نے ٹوئٹر پر جاری کیے گئے پیغام میں کہا کہ ’لتا منگیشکر کے انتقال سے بھارت نے اپنی آواز کھودی۔‘اُنہوں نے مزید کہا کہ ’ہم اب بے آواز ہو گئے ہیں۔‘ واضح رہے کہ فنِ گلوکاری کے ذریعے بھارتی فلم نگری پر طویل عرصے راج کرنے والی بھارتی لیجنڈری گلوکارہ لتا منگیشکر گزشتہ روز انتقال کر گئی ہیں۔ 92 سالہ لتا منگیشکر گزشتہ ماہ کورونا وائرس کا شکار ہونے  کے بعد سے ممبئی کے بریچ کینڈی اسپتال میں زیرِ علاج تھیں۔