?️
کراچی: (سچ خبریں) ابھرتی ہوئی اداکارہ دنانیر مبین نے ساتھی اداکار احد رضا میر کے ساتھ آن اسکرین جوڑی پسند کیے جانے اور ان سے مبینہ تعلقات استوار ہونے پر وضاحت کرتے ہوئے کہا ہے کہ لوگوں کو سمجھنا چاہیے کہ آن اسکرین رومانس کرنا اداکاروں کا کام ہوتا ہے۔
دنانیر مبین اور احد رضا میر کی جوڑی کو ’میم سے محبت‘ نامی ڈرامے میں کافی پسند کیا گیا، جہاں دونوں نہ صرف ایک دوسرے کی محبت میں گرفتار دکھائی دیتے ہیں بلکہ دونوں شادی بھی کرلیتے ہیں۔
دونوں کی آن اسکرین کیمسٹری کو پسند کیے جانے کے بعد سوشل میڈیا پر دونوں کی جوڑی کو پسند کیا گیا اور ساتھ ہی چہ مگوئیاں کی جانے لگیں کہ دونوں کے ممکنہ طور پر تعلقات استوار ہو چکے ہیں۔
حال ہی میں دنانیر مبین نے بھارتی صحافی کو یوٹیوب پر انٹرویو دیا، جہاں انہوں نے اداکارہ سے احد رضا میر کے ساتھ آن اسکرین اور آف اسکرین تعلقات سے متعلق سوال کیا۔
صحافی نے ان سے پوچھا کہ ڈرامے میں احد رضا میر کے ساتھ ان کی جوڑی کو پسند کیا جا رہا ہے اور مداح مطالبہ کرتے دکھائی دیتے ہیں کہ وہ حقیقی زندگی میں بھی ایک بن جائیں، اس پر ان کا کیا خیال ہے؟
سوال پر دنانیر مبین نے کہا کہ اس پر ان کی دو مختلف رائے ہیں، ایک تو یہ ہے کہ شروع سے ہی ایسا ہوتا آ رہا ہے، مداح آن اسکرین جوڑیوں کو پسند کرنے کے بعد انہیں حقیقی زندگی میں بھی ایک ہوتا دیکھنا چاہتے ہیں جو کہ مداحوں کا سچا پیار ہے اور یہ اچھا بھی لگتا ہے۔
ان کا کہنا تھا کہ دوسری ان کی یہ رائے ہے کہ مداحوں کو ایسا نہیں سوچنا چاہیے، انہیں سمجھنا چاہیے کہ اداکاروں کی بھی حقیقی زندگی ہوتی ہے، آن اسکرین رومانس کرنا ان کا کام ہے۔
دنانیر مبین کے مطابق اب اتنا شعور آ چکا ہے کہ شائقین کو سمجھنا چاہیے کہ ہر اداکار کی ذاتی زندگی بھی ہوتی ہے، اداکار اسکرین پر جو کام کرتے ہیں، وہ صرف دکھاوا ہوتا ہے۔
انہوں نے کہا کہ آن اسکرین پر کام کرنے کے علاوہ ان کی ذاتی زندگی بالکل مختلف ہے، وہ دو مختلف افراد ہیں اور شائقین کو یہ سمجھنا چاہیے۔
دنانیر مبین کا کہنا تھا کہ یہ اچھی بات ہے کہ مداح ان کی جوڑی کو پسند کرتے ہیں اور ان سے متعلق سوچتے ہیں کہ وہ حقیقی زندگی میں بھی ایک ہوجائیں لیکن ساتھ ہی شائقین کو سمجھنا چاہیے کہ وہ دو اداکار ہیں اور اسکرین پر رومانس کرنا ان کا کام ہے۔
دوران انٹرویو انہوں نے احد رضا میر کی شخصیت اور اداکاری کی تعریفیں بھی کیں اور کہا کہ شوٹنگ کے دوران دونوں کے درمیان مختلف معاملات پر بحث ہوتی تھی اور انہوں نے ان سے بہت کچھ سیکھا۔
دنانیر مبین کا کہنا تھا کہ احد رضا میر ان سے زیادہ سینئر اور بڑے اداکار ہیں، ان کے مقابلے انہوں نے اب تک صرف چار ڈرامے ہی کیے ہیں۔


مشہور خبریں۔
امریکہ چین کے ساتھ کیا کرنا چاہتا ہے؛سابق امریکی فوجی کی زبانی
?️ 12 ستمبر 2023سچ خبریں: ایک سابق امریکی فوجی نے کہا کہ یہ ملک مشرقی
ستمبر
برطانیہ نے سلامتی کونسل میں کیا کیا؟
?️ 27 جولائی 2023سچ خبریں: اقوام متحدہ میں روس کے مستقل نمائندے کا کہنا ہے
جولائی
خطے میں حالیہ مزاحمتی حملے ملک کی ڈیٹرنس کو مضبوط کرنے میں کیوں مدد کرتے ہیں؟
?️ 8 اگست 2026سچ خبریں: رمضان کی جنگ کے دوران مغربی ایشیا کے سلامتی حرکیات
اگست
فلسطینیوں کی آزادی، عزت اور فلاح پاکستان کی خارجہ پالیسی کی اولین ترجیح ہے:پاکستانی وزیر اعظم
?️ 15 اکتوبر 2025فلسطینیوں کی آزادی، عزت اور فلاح پاکستان کی خارجہ پالیسی کی اولین
اکتوبر
تیسرے روز بھی ایران سے 115 پاکستانی وطن واپس پہنچے، تعداد 279 ہوگئی
?️ 3 مارچ 2026کوئٹہ (سچ خبریں) ایران میں پھنسے پاکستانیوں کی وطن واپسی کا سلسلہ
مارچ
دنیا میں ترکی کی خارجہ پالیسی کے 8 چیلنجز
?️ 21 جنوری 2024سچ خبریں:اس مضمون کے پچھلے حصے میں ہم نے مغرب کے بعد
جنوری
پاکستان اور افغانستان کے درمیان بڑھتی کشیدگی
?️ 16 اکتوبر 2025پاکستان اور افغانستان کے درمیان بڑھتی کشیدگی ہانگ کانگ کے روزنامہ ساوتھ
اکتوبر
سعودی صیہونی تعلقات کے اصلی ہیرو
?️ 13 جولائی 2022سچ خبریں:صیہونی اخبار نے آج ایک رپورٹ شائع کی ہے جس میں
جولائی