?️
کراچی: (سچ خبریں) ابھرتی ہوئی اداکارہ دنانیر مبین نے ساتھی اداکار احد رضا میر کے ساتھ آن اسکرین جوڑی پسند کیے جانے اور ان سے مبینہ تعلقات استوار ہونے پر وضاحت کرتے ہوئے کہا ہے کہ لوگوں کو سمجھنا چاہیے کہ آن اسکرین رومانس کرنا اداکاروں کا کام ہوتا ہے۔
دنانیر مبین اور احد رضا میر کی جوڑی کو ’میم سے محبت‘ نامی ڈرامے میں کافی پسند کیا گیا، جہاں دونوں نہ صرف ایک دوسرے کی محبت میں گرفتار دکھائی دیتے ہیں بلکہ دونوں شادی بھی کرلیتے ہیں۔
دونوں کی آن اسکرین کیمسٹری کو پسند کیے جانے کے بعد سوشل میڈیا پر دونوں کی جوڑی کو پسند کیا گیا اور ساتھ ہی چہ مگوئیاں کی جانے لگیں کہ دونوں کے ممکنہ طور پر تعلقات استوار ہو چکے ہیں۔
حال ہی میں دنانیر مبین نے بھارتی صحافی کو یوٹیوب پر انٹرویو دیا، جہاں انہوں نے اداکارہ سے احد رضا میر کے ساتھ آن اسکرین اور آف اسکرین تعلقات سے متعلق سوال کیا۔
صحافی نے ان سے پوچھا کہ ڈرامے میں احد رضا میر کے ساتھ ان کی جوڑی کو پسند کیا جا رہا ہے اور مداح مطالبہ کرتے دکھائی دیتے ہیں کہ وہ حقیقی زندگی میں بھی ایک بن جائیں، اس پر ان کا کیا خیال ہے؟
سوال پر دنانیر مبین نے کہا کہ اس پر ان کی دو مختلف رائے ہیں، ایک تو یہ ہے کہ شروع سے ہی ایسا ہوتا آ رہا ہے، مداح آن اسکرین جوڑیوں کو پسند کرنے کے بعد انہیں حقیقی زندگی میں بھی ایک ہوتا دیکھنا چاہتے ہیں جو کہ مداحوں کا سچا پیار ہے اور یہ اچھا بھی لگتا ہے۔
ان کا کہنا تھا کہ دوسری ان کی یہ رائے ہے کہ مداحوں کو ایسا نہیں سوچنا چاہیے، انہیں سمجھنا چاہیے کہ اداکاروں کی بھی حقیقی زندگی ہوتی ہے، آن اسکرین رومانس کرنا ان کا کام ہے۔
دنانیر مبین کے مطابق اب اتنا شعور آ چکا ہے کہ شائقین کو سمجھنا چاہیے کہ ہر اداکار کی ذاتی زندگی بھی ہوتی ہے، اداکار اسکرین پر جو کام کرتے ہیں، وہ صرف دکھاوا ہوتا ہے۔
انہوں نے کہا کہ آن اسکرین پر کام کرنے کے علاوہ ان کی ذاتی زندگی بالکل مختلف ہے، وہ دو مختلف افراد ہیں اور شائقین کو یہ سمجھنا چاہیے۔
دنانیر مبین کا کہنا تھا کہ یہ اچھی بات ہے کہ مداح ان کی جوڑی کو پسند کرتے ہیں اور ان سے متعلق سوچتے ہیں کہ وہ حقیقی زندگی میں بھی ایک ہوجائیں لیکن ساتھ ہی شائقین کو سمجھنا چاہیے کہ وہ دو اداکار ہیں اور اسکرین پر رومانس کرنا ان کا کام ہے۔
دوران انٹرویو انہوں نے احد رضا میر کی شخصیت اور اداکاری کی تعریفیں بھی کیں اور کہا کہ شوٹنگ کے دوران دونوں کے درمیان مختلف معاملات پر بحث ہوتی تھی اور انہوں نے ان سے بہت کچھ سیکھا۔
دنانیر مبین کا کہنا تھا کہ احد رضا میر ان سے زیادہ سینئر اور بڑے اداکار ہیں، ان کے مقابلے انہوں نے اب تک صرف چار ڈرامے ہی کیے ہیں۔


مشہور خبریں۔
ملک کے مفاد میں شہباز شریف کو کیا کرنا چاہیے؟: آفتاب احمد خان
?️ 30 جون 2024سچ خبریں: قومی وطن پارٹی کے چیئرمین آفتاب احمد خان شیر پاؤ
جون
تل ابیب: حزب اللہ کے ڈرونز سے مکمل تحفظ کا کوئی طریقہ نہیں
?️ 13 مئی 2026سچ خبریں: امریکی اخبار واشنگٹن پوسٹ نے صیہونی حکومت کے ایک فوجی
مئی
ٹرمپ مردوں کے یو ایس اوپن ٹینس میچ دیکھتے ہوئے شائقین کی شدید تنقید کا نشانہ بن گئے
?️ 8 ستمبر 2025ٹرمپ مردوں کے یو ایس اوپن ٹینس میچ دیکھتے ہوئے شائقین کی
ستمبر
صیہونیوں کو اسلحہ کی ترسیل کے خلاف احتجاج میں مراکشی بندرگاہ کے ملازمین کے اجتماعی استعفے
?️ 25 اپریل 2025سچ خبریں:اسرائیل کو اسلحہ کی ترسیل پر احتجاج کرتے ہوئے مراکش کی
اپریل
راناثناء اللہ کے وارنٹ گرفتار ی کا معاملہ، اسلام آباد پولیس کا موقف سامنے آ گیا
?️ 10 اکتوبر 2022اسلام آباد(سچ خبریں) اینٹی کرپشن پنجاب کی ٹیم وزیرداخلہ رانا ثنااللہ کی وارنٹ گرفتاری لے کر پولیس اسٹیشن
اکتوبر
یوکرین کی ملٹری امداد پر جرمنی کا کتنا خرچہ ہوا؟
?️ 23 ستمبر 2023سچ خبریں:یوکرین کو ملنے والی فوجی امداد پر اب تک جرمنی کو
ستمبر
البوسعیدی آبنائے ہرمز کے بارے میں عراقچی کے ساتھ بات چیت سے مطمئن
?️ 27 اپریل 2026 سچ خبریں:بدر البوسعیدی، وزیر امور خارجہ عمان، نے سوشل میڈیا پلیٹ
اپریل
ترک عوام بائیڈن کو بیلٹ باکس میں جواب دیں گے:اردگان
?️ 15 مئی 2023سچ خبریں:ترکی کے صدر اور اس ملک کے صدارتی انتخابات کے اہم
مئی