سچ خبریں: شمالی اور جنوبی کوریا کے مابین کشیدگی کے باجود پیرس اولمپکس 2024ء میں دونوں ممالک کے کھلاڑیوں نے پوڈیم پر ایک ساتھ سیلفی لی جو بہت زیادہ وائرل ہوگئی۔
یہ تصویر منفرد قرار دی گئی ہے کیونکہ پوڈیم پر دونوں ممالک کے کھلاڑی دوستانہ انداز میں گھل مل گئے تھے۔
یہ بھی پڑھیں: کیا شمالی کوریا اور جنوبی کوریا کے درمیان جنگ ہونے والی ہے؟
غیر ملکی میڈیا کے مطابق، مکسڈ ڈبلز ٹیبل ٹینس میں شمالی کوریا نے سلور اور جنوبی کوریا نے برانز میڈل جیتا تھا، جبکہ چین نے سونے کا تمغہ حاصل کیا تھا، میڈلز کی تقریب کے بعد پوڈیم پر شمالی اور جنوبی کوریا کے کھلاڑیوں نے سیلفی بنوائی۔
میڈیا رپورٹس کے مطابق، کمنٹیٹرز نے کھلاڑیوں کی اس سیلفی کو "اسپرٹ آف گیم” کا مظاہرہ بھی قرار دیا ہے۔
مزید پڑھیں: شمالی اور جنوبی کوریا کے درمیان کشیدگی
یاد رہے کہ شمالی اور جنوبی کوریا کے مابین کشیدگی پائی جاتی ہے، اور نیوکلیئر پاور شمالی کوریا نے جنوبی کوریا کو اپنا دشمن قرار دیا ہوا ہے۔
Short Link
Copied
