یورپی یونین کا صیہونی حکومت کے مغربی کنارے کے فیصلے کو منسوخ کرنے کا مطالبہ

?️ 17 فروری 2026

سچ خبریں:

یورپی یونین نے پیر کے روز محض زبانی اقدام کرتے ہوئے اور جاری قبضے کی مذمت کیے بغیر، بچوں کو قتل کرنے والے صیہونیوں سے مطالبہ کیا کہ وہ اپنے قبضے کی توسیع کے بل کو منسوخ کریں۔

یورپی یونین نے اس بیان میں یہ بھی خبردار کیا کہ صیہونیوں کا یہ اقدام "نئی کشیدگی کو بھڑکانے” کا سبب بنے گا۔

یورپی یونین کے امور خارجہ کے ترجمان انور العناونی نے اس سلسلے میں کہا  کہ یہ معاملہ (صیہونیوں کی) حالیہ کارروائیوں کے بعد ایک نئی کشیدگی ہے، جو پہلے مقبوضہ مغربی کنارے میں اسرائیل کے کنٹرول کو بڑھانے کے مقصد سے کی گئی تھیں۔

یورپی یونین کے امور خارجہ کے ترجمان نے مزید کہا کہ ہم ایک بار پھر اس بات پر زور دیتے ہیں کہ بین الاقوامی قانون کے مطابق الحاق غیر قانونی ہے۔ ہم اسرائیل سے مطالبہ کرتے ہیں کہ وہ اس فیصلے کو منسوخ کرے۔

واضح رہے کہ صیہونی حکومت کی کابینہ ایک ایسے منصوبے کی منظوری دینے کا ارادہ رکھتی ہے جس کے تحت مقبوضہ مغربی کنارے کے کچھ حصوں کی زمینیں تل ابیب کے قبضے میں آجائیں گی۔

اس رپورٹ کے مطابق، یہ منصوبہ کابینہ کے ہفتہ وار اجلاس کے دوران زیر غور آئے گا۔ یہ اقدام مغربی کنارے کے کچھ حصوں کو مقبوضہ علاقوں میں ضم کرنے کے تل ابیب کے منصوبے کے تحت کیا جا رہا ہے۔

اس منصوبے کے نفاذ کی صورت میں مغربی کنارے میں بہت سی اراضی صیہونی حکومت کے قبضے میں چلی جائے گی۔

خیال رہے کہ صیہونی حکومت اس اقدام کو ایک قانونی حرکت قرار دینے اور اس کے استعماری پہلوؤں کو چھپانے کی کوشش کر رہی ہے۔