?️
نئی دہلی: (سچ خبریں) غیر قانونی طور پر نظر بند کل جماعتی حریت کانفرنس کے چیئرمین مسرت عالم بٹ نے عید الاضحی کے موقع پر مقبوضہ جموں و کشمیرکے عوام سمیت دنیا بھر کے مسلمانوں کو مبارکباد پیش کی ہے۔
کشمیرمیڈیاسروس کے مطابق مسرت عالم بٹ نے نئی دہلی کی بدنام زمانہ تہاڑ جیل سے عید الاضحی کے موقع پر اپنے خصوصی پیغام میں امت مسلمہ بالخصوص مقبوضہ جموں و کشمیر اور فلسطین کے مظلوم عوام کوعید کی مبارکباد پیش کی۔انہوں نے جابر سامراجی طاقتوں بھارت اور اسرائیل کے غیر قانونی تسلط سے دونوں مظلوم قوموں کی جلدآزادی کے لیے دعا کی۔
مسرت عالم بٹ نے جو جموں و کشمیر مسلم لیگ کے سربراہ بھی ہیں، کہا کہ مسلم دنیا آزمائش اور مشکلات کے انتہائی نازک دور سے گزر رہی ہے۔حریت چیئرمین نے قربانی کی اہمیت کو اجاگرکرتے ہوئے کشمیریوں پر زور دیا کہ وہ عید الاضحی سادگی سے منائیں اور اس موقع پر شہدا ء کے لواحقین ،نظر بند کشمیریوں کے اہلخانہ اور بھارتی ریاستی دہشت گردی کا شکار افراد کی ضرورتوں کا خیال رکھیں۔
دریں اثناء مقبوضہ جموں وکشمیر کے مفتی اعظم، مفتی ناصر الاسلام نے عیدا لاضحی کے موقع پر کشمیری عوام سمیت امت مسلمہ کو مبارکباد دیتے ہوئے کہا کہ جانوروں کی قربانی دراصل حضرت ابراہیم اورحضرت اسمٰعیل کی عظیم قربانی کی یاد دہانی ہے اور اس عظیم واقعے کی تقلید ہے جو تاقیام قیامت انسانی تہذیب کا ایک حصہ بن چکی ہے۔ انہوں نے اللہ تعالیٰ سے دعا کہ یہ دن ہمارے لئے کامیابی اورسربلندی کا پیغام لے کر آئے۔
ادھرکل جماعتی حریت کانفرنس کی آزاد جموں وکشمیر شاخ کے کنوینر غلام محمد صفی،جنرل سیکریٹری ایڈوکیٹ پرویز احمد شاہ اورسیکریٹری اطلاعت مشتاق احمد بٹ نے بھی اسلام آباد سے جاری ایک مشترکہ بیان میں جیلوں میں نظربند کشمیری رہنمائوں اورکارکنوں سمیت مقبوضہ جموں و کشمیر کے مظلوم عوام اوردنیا بھر کے مسلمانوں کو عید الاضحی کی مبارکباد دی ہے۔
انہوں نے اہلیان جموں و کشمیر سے اپیل کی کہ وہ خوشی و مسرت کے اس موقع پر مفلوک الحال لوگوں،بیوائیوں،معذروں، یتیموں، ورثاء شہداء اوراسیران حریت کے اہلخانہ کا خاص خیال رکھیںاور ان لوگوں کو اپنی خوشیوں میں شامل کریں جنہوں نے غلبہ اسلام اور وطن عزیز کی آزادی کے لئے اپنا سب کچھ قربان کیاہے۔ انہوں نے پاکستان اورآزاد جموں وکشمیر کے عوام ، حکومتوں اورتمام سیاسی ، سماجی اور مذہبی جماعتوں کو بھی عید الاضحی کی مبارک پیش کی ہے۔
مشہور خبریں۔
وفاقی کابینہ نےمنی بجٹ کی منظوری دےدی: فواد چوہدری
?️ 30 دسمبر 2021اسلام آباد (سچ خبریں) وزیراعظم عمران خان کی سربراہی میں منی بجٹ
دسمبر
مجھے سزا ہو بھی جائے تب بھی الیکشن ضرور لڑوں گا:ٹرمپ
?️ 11 جون 2023سچ خبریں:سابق امریکی صدر کا کہنا ہے کہ خفیہ دستاویزات کیس میں
جون
مریم نواز کا چیف جسٹس عمر بندیال سے مستعفی ہونے کا مطالبہ، موجودہ بحران کا ذمہ دار قرار دے دیا
?️ 15 مئی 2023اسلام آباد:(سچ خبریں) مسلم لیگ (ن) کی چیف آرگنائزر مریم نواز نے
مئی
یوٹیوب پر اشتہارات کو بلاک کرکے ویڈیوز دیکھنا ناممکن
?️ 3 نومبر 2023سچ خبریں: مفت میں ویڈیوز تک رسائی دینے والی دنیا کی سب
نومبر
بھارت نے ای کامرس پلیٹ فارمز پر پاکستانی قومی پرچم کی فروخت پر پابندی لگا دی
?️ 16 مئی 2025اسلام آباد: (سچ خبریں) بھارتی حکومت نے یہ حکم نامہ ایسے وقت
مئی
بدامنی کی نئی لہر/مقبوضہ فلسطین شمال سے جنوب تک بند
?️ 27 مارچ 2023سچ خبریں:نیتن یاہو کی جانب سے وزیر جنگ کو برطرف کیے جانے
مارچ
وزیر اعظم نے ایک مرتبہ پھر انتہائی جرات اور استدلال سے اقوام عالم کو آئینہ دکھایا ہے
?️ 25 ستمبر 2021اسلام آباد(سچ خبریں) وزیراعظم عمران خان کے اقوام متحدہ سے خطاب پر اپنے
ستمبر
بلاول بھٹو شنگھائی تعاون تنظیم اجلاس میں شرکت کیلئے بھارت پہنچ گئے
?️ 4 مئی 2023اسلام آباد: (سچ خبریں) وزیر خارجہ بلاول بھٹو زرداری ایس سی او
مئی