🗓️
اسلام آباد: (سچ خبریں) جموں و کشمیر لبریشن فرنٹ نے اپنے پارٹی سربراہ محمد یاسین ملک کی بگڑتی ہوئی صحت پر گہری تشویش کا اظہارکرتے ہوئے خبردارکیا ہے کہ اگر انہیں کوئی نقصان پہنچا تواس کی تمام تر ذمہ داری مودی حکومت پر عائد ہوگی۔
کشمیرمیڈیا سروس کے مطابق لبریشن فرنٹ کے مرکزی ترجمان محمد رفیق ڈار نے نیشنل پریس کلب اسلام آباد میں محمد یاسین ملک کی بیٹی رضیہ سلطانہ اور دیگر پارٹی رہنماؤں کے ہمراہ ایک پریس کانفرنس سے خطاب کرتے ہوئے کہاکہ محمد یاسین ملک جیل میں مناسب طبی سہولیات کی عدم فراہمی کے خلاف گزشتہ پانچ روز سے بھوک ہڑتال پر ہیں۔
انہوں نے کہاکہ ساڑھے پانچ سال کی قید تنہائی، طبی سہولیات کی عدم فراہمی، مسلسل ذہنی اذیت اورغیر انسانی رویے کی وجہ سے محمد یاسین ملک کی صحت تشویشناک حد تک خراب ہو چکی ہے جو نہ صرف ان کے اہل خانہ اور جماعت بلکہ کنٹرول لائن کے دونوں جانب اور دنیابھر میں مقیم کشمیریوں کے لئے گہری تشویش کا باعث ہے۔
انہوں نے کہا کہ اپنے موقف پر ڈٹے رہنے پر یاسین ملک کو بدترین سیاسی انتقام کا نشانہ بنایا جارہا ہے۔ انہوں نے کہا کہ یاسین ملک کو یکطرفہ اور غیرمنصفانہ انداز میں چلائے گئے ایک جھوٹے اورمن گھڑت مقدمے میں عمر قید کی سزا سنائے جانے کے بعد اب مودی حکومت انہیں پھانسی دینے پر تلی ہوئی ہے جو فسطائیت کی انتہا ہے۔
رفیق ڈار نے کہا کہ بھارتی حکومت کا یاسین ملک کے ساتھ روا رکھا گیاغیر انسانی سلوک جس میں بالخصوص گزشتہ ایک سال سے شدت آئی ہے ،ناقابل برداشت ہے۔ انہوں نے کہا یاسین ملک جیل حکام سے اپنی رہائی کا نہیں بلکہ بھارتی اور بین الاقوامی قوانین کے مطابق مناسب علاج و معالجے کی فراہمی کا مطالبہ کررہے ہیں جس کے لئے وہ گزشتہ پانچ روز سے بھوک ہڑتال پر ہیں۔ انہوں نے کہاکہ چند ماہ قبل عدالتی احکامات کے باوجود اور گزشتہ احتجاج کے نتیجے میں جیل حکام نے انہیں علاج معالجے کی یقین دہانی کرائی تھی لیکن کئی ماہ گزر جانے کے بعد ابھی تک اس حوالے سے کوئی پیش رفت نہ ہوسکی۔
انہوں نے کہا کہ کل یوم شہدائے جموں کے موقع پر بھارت مخالف اور یاسین ملک کے حق میں احتجاجی مظاہرے کئے جائیں اور یاسین ملک کے ساتھ اظہار یکجہتی کے لئے7نومبرکو ایک روزہ بھوک ہڑتالی کیمپ لگائے جائیں گے۔ اس کے علاوہ امریکہ، برطانیہ اور یورپ سمیت مختلف ملکوں میںبھارتی سفارتخانوں کے سامنے احتجاجی مظاہرے کئے جائیں گے۔
یاسین ملک کی بیٹی رضیہ سلطانہ نے پریس کانفرنس میں خصوصی شرکت کرتے ہوئے اقوام عالم بالخصوص انسانی حقوق کے عالمی اداروں سے اپنے والد کی جان بچانے کی اپیل کی۔ انہوں نے کہا کہ ان کے والد پہلے ہی دل اور گردوں کے علاوہ کئی عارضوںمیں مبتلا ہیں اور اس بھوک ہڑتال کی وجہ سے ان کی جان کو خطرہ ہے۔ پریس کانفرنس میں تنظیم کے مرکزی وائس چیئرمین سلیم ہارون، ساجد صدیقی، خواجہ منظور احمد چشتی، سردار محمد انور خان اور عمران جہانگیر بھی موجود تھے۔
مشہور خبریں۔
What Your Legs Could Be Telling You About Your Heart Health
🗓️ 18 اگست 2022 When we get out of the glass bottle of our ego
مسجد اقصیٰ میں فلسطینیوں کے داخلے پر پابندیوں کے بارے میں صیہونی اخبار کا انتباہ
🗓️ 21 فروری 2024سچ خبریں: ایک صیہونی اخبار نے فلسطینیوں کے مسجد الاقصی میں داخلے
فروری
نوبل امن ایوارڈ کن لوگوں کو ملتا ہے؟
🗓️ 12 دسمبر 2023سچ خبریں: نوبل امن ایوارڈ ، سب سے زیادہ سیاسی نوبل ایوارڈ
دسمبر
سویڈش عوام کی اکثریت قرآن پاک کی بے حرمتی پر پابندی کی خواہاں
🗓️ 4 اپریل 2023سچ خبریں:سویڈن میں کیے گئے سروے کے نتائج سے صاف ظاہر ہوتا
اپریل
اسرائیل نے غزہ جنگ میں اپنا کوئی بھی اہداف حاصل نہیں کیا
🗓️ 21 نومبر 2023سچ خبریں:Haaretz اخبار کے مطابق اسرائیل غزہ جنگ میں جو کامیابی ریکارڈ
نومبر
انتہاپسند صیہونی وزیر اور ان کے پارٹی وزراء کا صیہونی کابینہ سے اجتماعی استعفیٰ
🗓️ 19 جنوری 2025سچ خبریں:عبری زبان کے ذرائع ابلاغ کے مطابق، اسرائیل کے وزیر برائے
جنوری
ممکنہ صیہونی وزیر اعظم کے عرب مخالف ریکارڈ پر ایک نظر
🗓️ 1 جون 2021سچ خبریں:نفتالی بینیٹ ایک انتہا پسند اور عرب مخالف یہودی جو کبھی
جون
غزہ کی جنگ کو ختم کرنے کا واحد راہ حل
🗓️ 25 جنوری 2024سچ خبریں:برطانوی وزیر خارجہ ڈیوڈ کیمرون، جنہوں نے غزہ میں جنگ بندی
جنوری