?️
سرینگر (سچ خبریں) مقبوضہ کشمیر کے حریت رہنما غلام محمد خان سوپوری نے پاکستان کو پورے خطے کے مسلمانوں کے لیئے ایک نعمت قرار دیتے ہوئے کہا ہے کہ پاکستان کا قیام پورے خطے کے مسلمانوں کے لیئے خدا کی دی ہوئی ایک نعمت ہے۔
تفصیلات کے مطابق مقبوضہ کشمیر میں سینئر حریت رہنما غلام محمد خان سوپوری نے کہا ہے کہ بے مثال جدوجہد اور قربانیوں کی بدولت حاصل کیا جانے والا پاکستان جنوبی ایشیا کے مسلمانوں کیلئے اللہ تعالیٰ کی طرف سے عطا کی گئی ایک بیش بہا نعمت ہے۔
کشمیر میڈیا سروس کے مطابق غلام محمد خان سوپوری نے بارہمولہ میں ایک اجلاس سے خطاب کرتے ہوئے کہا کہ ایک ایسے وقت میں جب بھارت میں ہندو توا کا سانپ بڑی تیزی کے ساتھ اپنے پھن پھیلا رہا ہے پاکستان کی اہمیت و افایت خطے کے مسلمانوں کیلئے مزید بڑھ گئی ہے۔
انہوں نے کہا کہ 23 مارچ 1940کی تاریخی قرارداد کے محض سات برس بعد دنیا کے نقشے پر معرض وجود میں آنے والی مملکت خداداد نے خطے کے مسلمانوں کو سر اٹھانے کا حوصلہ بخشا ہے۔
انہوں نے کہا کہ پاکستان دنیا کا وہ واحد ملک ہے جو کشمیریوں کے حق خود اردیت کے کھل کر حمایت اور حق پر مبنی جدوجہد میں انکی بھر پور سیاسی و سفارتی حمایت کر رہا ہے، غلام محمد خان سوپوری نے کہا کہ مسئلہ کشمیر کے حل کے لیے ایک مضبوط و مستحکم پاکستان ضروری ہے۔
انہوں نے کہا کہ ہر کشمیری اپنے دل میں پاکستان کیلئے والہانہ محبت رکھتا ہے او ر اسکی سلامتی و استحکام کیلئے دعا گو ہے۔
انہوں نے کہا کہ یہ ہر پاکستانی کی ذمہ داری ہے کہ وہ نظریہ پاکستان کی حفاظت کے لیے اپناکردار ادا کرے، اسلامی تنظیم آزادی کے چیئرمین عبدالصمد انقلابی اور آزاد جموں کشمیر میں تنظیم کے نمائندے عبدالمجیدلون نے ایک مشترکہ بیان میں کہا ہے کہ کشمیری مملکت خداداد پاکستان کی ساتھ انتہائی والہانہ عقیدت و محبت رکھتے ہیں۔
انہوں نے کہا ہے کہ 1940ء کو لاہور کے منٹو پارک میں آل انڈیا مسلم لیگ کے تین روزہ سالانہ اجلاس کے دوران وہ تاریخی قرارداد منظور کی گئی تھی جس کی بنیاد پر برصغیر کے مسلمان قائد اعظم کی ولولہ انگیز قیادت میں محض سات برس کی قلیل مدت میں اپنے لیے ایک علیحدہ وطن حاصل کرنے میں کامیاب ہو گئے، انہوں نے کہا ہے ایک مضبوط ومستحکم پاکستان ہی مسئلہ کشمیر کے حل اور خطے میں امن کی ضمانت ہے۔
جموں کشمیر پیر پنجال فریڈم موومنٹ کے وائس چیئرمین قاضی عمران اور جموں کشمیرپیپلز موومنٹ کے وائس چیئرمین عبدالمجید ملک نے اسلام آباد میں جاری ایک مشترکہ بیان میں کہا کہ کشمیری پاکستان کے وزیراعظم عمران خان کے شکر گزار ہیں جنہوں نے ہر موقع پر مظلوم کشمیریوں کے حق میں آواز بلند کی ہے۔
انہوں نے کہا کہ کشمیریوں اور پاکستانیوں کے دل ایک ساتھ دھڑکتے ہیں اور دنیاکی کوئی طاقت انہیں جدا نہیں کر سکتی۔
انہوں نے کہا کہ وہ دن دور نہیں جب مقبوضہ جموں و کشمیر آزاد ہو کر پاکستان کا حصہ بنے گا، انہوں نے ہندو انتہا پسند تنظیم راشٹریہ سوائم سیوک سنگھ کے غنڈوں کی طرف سے جموں میں مسلمان بکر وال خاندان پر حملہ کی شدید مذمت کرتے ہوئے کہا ہے کہ بھارت مقبوضہ علاقے میں بڑے پیمانے پر مسلمانوں کے قتل عام کی تیاری کر رہا ہے۔
انہوں نے کہا کہ اقوام متحدہ اور عالمی برادری مقبوضہ علاقے میں بھارتی ریاستی دہشت گردی کا نوٹس لیں اور مسئلہ کشمیر حل کرنے میں اپنا کردار ادا کریں۔
مشہور خبریں۔
ٹیکساس یونیورسٹی میں اسرائیل مخالف مظاہرین کے ساتھ پولیس کا سلوک
?️ 25 اپریل 2024سچ خبریں: خبر رساں ذرائع کا کہنا ہے کہ یونیورسٹی آف ٹیکساس
اپریل
ریاض میں تل ابیب سے طیارے کی لینڈنگ
?️ 2 جون 2022سچ خبریں: اسرائیل کے چینل 11 کی فضائی حدود کے نامہ
جون
غزہ میں انسانیت کی موت دنیا کی نظروں کے سامنے
?️ 5 جنوری 2025سچ خبریں: غاصب صیہونی حکومت نے غزہ کی پٹی کے مختلف علاقوں
جنوری
غزہ جنگ میں اسرائیل نے 13 ریڈ لائنز کی خلاف ورزی کی
?️ 26 دسمبر 2024سچ خبریں: اسرائیل نے ان 12 سرخ لکیروں کی خلاف ورزی کی
دسمبر
صیہونی جیل سے فرار کرنے والے فلسطینی قیدیوں میں سے دو گرفتار
?️ 11 ستمبر 2021سچ خبریں:صیہونی سکیورٹی ذرائع کا کہنا ہے کہ گزشتہ ہفتےصیہونی ہائی سکیورٹی
ستمبر
زرمبادلہ کے ذخائر28 کروڑ ڈالر اضافے کے بعد 10 ارب ڈالرسے متجاوز
?️ 25 مارچ 2023اسلام آباد:(سچ خبریں) پاکستان کے زرمبادلہ کے ذخائر28 کروڑ ڈالر اضافے کے
مارچ
مسلم لیگ ن اور پیپلزپارٹی اتحادی حکومت کے ڈھانچے کو تاحال حتمی شکل نہ دے سکیں
?️ 18 فروری 2024اسلام آباد: (سچ خبریں) پاکستان مسلم لیگ ن اور پیپلزپارٹی اتحادی حکومت کے ڈھانچے
فروری
بنوں میں دہشتگردوں کی پولیس چیک پوسٹ پر قبضے کی کوشش ناکام، 2 اہلکار شہید
?️ 9 فروری 2025بنوں: (سچ خبریں) بنوں کے علاقے فتح خیل میں دہشتگردوں نے پولیس
فروری