بھارتی دہشت گرد فوج نے مقبوضہ کشمیر میں خطرناک کیمیائی ہتھیاروں کا استعمال شروع کردیا

بھارتی دہشت گرد فوج نے مقبوضہ کشمیر میں خطرناک کیمیائی ہتھیاروں کا استعمال شروع کردیا

?️

سرینگر (سچ خبریں)  بھارتی دہشت گرد فوج نے مقبوضہ کشمیر میں کشمیری عوام کے خلاف خطرناک کیمیائی ہتھیاروں کا استعمال شروع کردیا ہے جبکہ آئے دن سرچ آپریشن کرتے ہوئے متعدد افراد کو شہید اور گرفتار کیا جارہا ہے۔

تفصیلات کے مطابق مقبوضہ کشمیر میں کل جماعتی حریت کانفرنس نے ختم نہ ہونے والی بھارتی ریاستی دہشت گردی پر گہری تشویش کا اظہار کرتے ہوئے کہاہے کہ بھارت نے کشمیر ی عوام کے خلاف بھرپور جنگ چھیڑ رکھی ہے اور فوجیوں نے محاصروں اور تلاشی کارروائیوں کی آڑ میں قتل وغارت کا بازار گرم کر رکھا ہے۔

کشمیر میڈیا سروس کے مطابق کل جماعتی حریت کانفرنس کے ورکنگ وائس چیئرمین غلام احمد گلزار نے بدھ کو سرینگر میں جاری ایک بیان میں مقبوضہ جموں و کشمیر میں قتل و غارت اور گن پائوڈر، کیمیائی ہتھیاروں اور دیگر دھماکہ خیز مواد کے استعمال سے گائوں کے گاؤں کو نذرآتش کرنے کی مذمت کی اور فوجی کارروائیوں کو انسانیت کے خلاف سنگین جنگی جرم قراردیا۔

انہوں نے اقوام متحدہ کے سیکرٹری جنرل اور انسانی حقوق کے عالمی اداروں سے مطالبہ کیا کہ وہ اپنے ناقابل تنسیخ حق، حق خود ارادیت کی جائز جدوجہد میں مصروف شہری آبادی کے خلاف فوجی طاقت کے وحشیانہ استعمال کو روکنے کے لئے فوری اقدامات کرے۔

ادھر بھارتی فوجیوں نے ایک مختصر وقفے کے بعد ضلع شوپیان کے علاقے راولپورہ میں بدھ کو ایک بار پھر محاصرے اور تلاشی کی کارروائی شروع کی، فوجیوں نے تمام داخلی اور خارجی راستوں کی ناکہ بندی کر کے گھر گھر تلاشی کی کارروائی کی۔

اس سے قبل بھارتی فوجیوں نے علاقے میں تین دن تک جاری رہنے والی کارروائی کے دوران کیمیائی مواد استعمال کرتے ہوئے دو نوجوانوں کو شہید اور درجنوں مکانوں کو تباہ کر دیا تھا، قابض انتظامیہ نے شوپیان کے ان خاندانوں کے تمام بینک اکائونٹس بلاک کر دیئے ہیں جن کے گھروں کو بھارتی فوجیوں نے دھماکے سے اڑا دیا تھا۔

دوسری جانب سرینگر، شوپیان، پلوامہ، بڈگام، گاندربل اور بانڈی پور ہ کے مختلف علاقوں میں تلاشی کی کارروائیاں جاری رہیں، گھروں پر چھاپے مارے گئے، لوٹ مار کی گئی اور مکینوں خصوصا خواتین کو ہراساں کیاگیا۔

ادھر بھارت کے بدنام زمانہ تحقیقاتی ادارے این آئی اے نے بھارتی پیراملٹری فورسز کے اہلکاروں کے ہمراہ ضلع پلوامہ کے علاقوں ہکری پورہ اور حاجی بل میں شاکر بشیر ماگرے اور انشاء جان کے گھر وں پر چھاپے مارے اورمکینوں کو ہراساں کیا، این آئی اے نے بے بنیاد الزامات پر گھروں کو ضبط بھی کر لیا۔

دریں اثنا جموں و کشمیر ینگ مینز لیگ کے وائس چیئرمین زاہد اشرف نے بدھ کو اسلام آباد میں جاری ایک بیان میں مقبوضہ کشمیر میں جاری ریاستی دہشت گردی پر فسطائی مودی حکومت کی شدید مذمت کی ہے۔

مشہور خبریں۔

بچوں کی قاتل صیہونی حکومت؛22 سال میں 2500 فلسطینی بچے شہید

?️ 19 نومبر 2022سچ خبریں:بظاہر انسانی حقوق کی حمایت کرنے والے مغربی ممالک کی خاموشی

آنکارا کی اسرائیل پر فوری دباؤ کی وجی کیا ہے؟

?️ 5 مئی 2024سچ خبریں: اسلامی تعاون تنظیم کے اجلاس میں جو ہفتے اور اتوار

یوکرین جنگ کس نے شروع کی؟

?️ 6 اکتوبر 2023سچ خبریں: روس کے صدر نے والدائی بین الاقوامی کانفرنس میں اعلان

’سیاسی سرگرمیاں انتخابی مہم کی طرح تیز کردیں‘، عمران خان کی پارٹی رہنماؤں کو ہدایت

?️ 13 دسمبر 2022اسلام آباد:(سچ خبریں) عام انتخابات کے حوالے سے پاکستان تحریک انصاف (پی

پیوٹن کی تقریر کے 16 سال بعد؛ ایک سادہ سی پیشین گوئی یا ایک انتباہ جس کو اہمیت نہیں دی گئی؟

?️ 11 فروری 202316 سال پہلے، روسی صدر ولادیمیر پیوٹن نے 2007 کی میونخ سیکیورٹی

ہرزوگ اور بلنکن کی ملاقات کے ہیڈکوارٹر کے سامنے اسرائیلیوں کا مظاہرہ

?️ 9 جنوری 2024سچ خبریں:منگل کو اسرائیلی مظاہرین نے تل ابیب میں امریکی وزیر خارجہ

اس وقت زر مبادلہ کا بہاؤ متوازن و مستحکم ہے:خرم دستگیر

?️ 21 جولائی 2022اسلام آباد: (سچ خبریں)وفاقی وزیر اور پاکستان مسلم لیگ (ن) کے سینئر

فلسطین کی تاریخ ہنیہ کے قتل سے ختم نہیں ہوگی؟

?️ 3 اگست 2024سچ خبریں: اسرائیلی قبضے سے نجات کے لیے فلسطینی عوام کی جدوجہد کی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے