?️
سرینگر: (سچ خبریں) غیرقانونی طورپر بھارت کے زیر قبضہ جموں وکشمیر میں کل جماعتی حریت کانفرنس نے بھارتی فوجیوں کی طرف سے انسانی حقوق کی بڑھتی ہوئی خلاف ورزیوں کی مذمت کرتے ہوئے عالمی برادری سے مطالبہ کیا ہے کہ وہ تنازعہ کشمیر کو اقوام متحدہ کی قراردادوں اور کشمیری عوام کی امنگوں کے مطابق حل کرے۔
کشمیر میڈیا سروس کے مطابق انسانی حقوق کے عالمی دن کے موقع پر جموں و کشمیر ڈیموکریٹک فریڈم پارٹی، تحریک حریت جموں و کشمیر، مسلم لیگ اور تحریک مزاحمت سمیت کل جماعتی حریت کانفرنس میں شامل جماعتوں نے سرینگر میں اپنے بیانات میں عالمی برادری کی توجہ مقبوضہ جموں وکشمیرمیں سیاسی اور انسانی حقوق کی بگڑتی ہوئی صورتحال کی طرف مبذول کرائی ہے۔
انہوں نے افسوس کا اظہار کیا کہ جموں و کشمیر کے مظلوم عوام کو 10دسمبر 1948 کو اقوام متحدہ کی جنرل اسمبلی کی طرف سے منظور شدہ انسانی حقوق کے عالمی اعلامیے کے مطابق اپنے بنیادی حقوق سے محروم رکھا گیاہے۔انہوں نے کہاکہ انسانی حقوق کے عالمی اعلامیے میں رکن ممالک کو بنیادی حقوق خاص طور پر حق خود ارادیت کو دبانے سے روکا گیا ہے۔ انہوں نے کہاکہ بھارت مقبوضہ جموں وکشمیرکے عوام کے خلاف گھنائونے جنگی جرائم میں ملوث ہے اوراس کے خلاف عالمی عدالت انصاف اور بین الاقوامی جنگی ٹریبونل میں مقدمہ چلایا جانا چاہیے۔
دریں اثنا ء کل جماعتی حریت کانفرنس کے رہنمائوں غلام محمد خان سوپوری، زمرودہ حبیب، یاسمین راجہ، فریدہ بہن جی، سید بشیر اندرابی، ایڈوکیٹ ارشد اقبال، ایڈوکیٹ حسیب وانی، مولانا مصعب ندوی، خواجہ فردوس اور محمد احسن اونتو نے اپنے الگ الگ بیانات میں مقبوضہ جموں وکشمیر میں جاری انسانی حقوق کی خلاف ورزیوں اور ہزاروں کشمیریوں کی غیر قانونی نظربندیوں کو اجاگر کیاہے۔
انہوں نے کل جماعتی حریت کانفرنس کے چیئرمین مسرت عالم بٹ، شبیر احمد شاہ، محمد یاسین ملک، آسیہ اندرابی، نعیم احمد خان اور بھارت اورمقبوضہ جموں وکشمیر کی جیلوں میں نظر بند تما م سیاسی قیدیوں کی فوری رہائی کا مطالبہ کیا۔حریت رہنمائوں نے کہا کہ کشمیری عوام کی قربانیاں رائیگاں نہیں جائیں گی بلکہ بہت جلد رنگ لائیں گی۔انہوں نے کہاکہ بین الاقوامی برادری کو اپنی خاموشی توڑدینی چاہیے اور مقبوضہ جموں وکشمیرمیں انسانی حقوق کی خلاف ورزیوں کے خاتمے کے لیے فیصلہ کن اقدامات کرنے چاہئیں۔


مشہور خبریں۔
غزہ میں ایندھن کی فراہمی روکنا بیماروں کو قتل کرنا ہے: فلسطینی وزارت صحت
?️ 24 نومبر 2024سچ خبریں:فلسطین کی وزارت صحت کے ایک اعلیٰ عہدیدار نے اسرائیلی جارحیت
نومبر
آرمی چیف قمر جاوید باجوہ کیلئے ‘کنگ عبدالعزیز میڈل آف ایکسیلنٹ کلاس’ کا اعزاز
?️ 26 جون 2022(سچ خبریں)چیف آف آرمی اسٹاف جنرل قمر جاوید باجوہ کو پاکستان اور
جون
افغانستان میں بھارت کو شکست کا سامنا کرنا پڑا
?️ 4 ستمبر 2021لاہور(سچ خبریں) بین الاقوامی امور کے ماہر ، کالمسٹ ، پنجاب یونیورسٹی
ستمبر
سی آئی اے کے وسل بلور ڈیوڈ میک مائیکل 95 کا سال کی عمر میں انتقال
?️ 2 جون 2022سچ خبریں: ڈیوڈ میک میکل، ایک انٹیلی جنس تجزیہ کار جنہوں نے
جون
صہیونی پولیس کا نیتن یاہو کے خلاف مظاہرہ کرنے والوں کے ساتھ سلوک
?️ 11 مارچ 2024سچ خبریں: اسرائیلی پولیس نے نیتن یاہو کے خلاف بڑے پیمانے پر
مارچ
مغرب میں حکمرانوں کو کنٹرول کرنے کے لیے موساد کا منصوبہ
?️ 3 فروری 2026 سچ خبریں: جیفری اپسٹین، امریکی سرمایہ دار جو 2019 میں نیویارک
فروری
فرانس میں طلبہ کے احتجاج جاری، 76 افراد زخمی
?️ 30 ستمبر 2026سچ خبریں:فرانس میں اساتذہ کی کمی، تعلیمی سہولیات کی قلت اور اسکولوں
ستمبر
فرانس میں نئے احتجاجات اور ہنگاموں کا خدشہ
?️ 31 اکتوبر 2026سچ خبریں: فرانس نے ممکنہ ہنگاموں اور احتجاجات کو روکنے کے لیے
اکتوبر