?️
برسلز: (سچ خبریں) چیئرمین کشمیر کونسل ای یو علی رضا سید نے کہا ہے کہ مقبوضہ جموں و کشمیر میں بھارتی پارلیمانی انتخابات کا انعقاد ہر گزتنازعہ کشمیر کا حل نہیں اور نہ ہی یہ حق خودارادیت کے برابر ہے۔
میڈیا کے مطابق علی رضا سید نے برسلز سے جاری ایک بیان میں مقبوضہ کشمیر میں اقوام متحدہ کی زیر نگرانی شماری کرانے کا مطالبہ کیاتا کہ کشمیری عوام اپنے مستقبل کا خود فیصلہ کرسکیں۔انہوں نے کہاکہ کشمیری عوام اپنے ناقابل تنسیخ حق خودارادیت کے لیے جدوجہد کر رہے ہیں اور بھارتی آئین کے تحت کسی قسم کی ووٹنگ یا پارلیمنٹ کے انتخابات کاانعقاد جموں و کشمیر کی آزادی کانعم البدل نہیں ہو سکتا۔
انہوں نے مقبوضہ کشمیر میں بھارتی پارلیمنٹ کے ایوان زیریں لوک سبھا کے حالیہ انتخابات کے انعقاد پر ردِعمل ظاہر کرتے ہوئے کہا ہے کہ بھارت کا جموں و کشمیر کے ایک بڑے حصے پر ناجائز قبضہ ہے اور کشمیریوں کو یہ تسلط ہرگز قبول نہیں۔علی رضا سید نے کہا کہ بھارت مقبوضہ کشمیر میں نام نہاد انتخابات کروا کر کشمیری عوام پر اپنے مظالم اور وحشیانہ قتل و غارت پر پردہ ڈالناچاہتا ہے اور یہ تاثر دینا چاہتا ہے کہ جموں و کشمیر میں امن ہے اور جمہوری عمل جاری ہے حقیقت یہ ہے کہ بھارت نے مقبوضہ کشمیر میں کالے قوانین نافذ کر رکھے ہیں جن کے ذریعے بھارتی سیکیورٹی فورسز کسی بھی شخص کو بغیر وجہ بتائے قید کر سکتی ہیں اور تشدد کا نشانہ بناسکتی ہیں۔
بھارت کی دس لاکھ سے زائد قابض فوج مقبوضہ کشمیر پر مسلط ہیں اور وہ کالے قوانین کے ذریعے لوگوں کو یرغمال بنائے ہوئے ہیں، بڑی تعداد میں کشمیری نوجوان ماورائے عدالت قتل عام کا نشانہ بن چکے ہیں اور متعدد کشمیری اپنے وطن کی آزادی کی تحریک کی پاداش میں بھارتی جیلوں میں ہیں۔انہوں نے کہاکہ بھارت مقبوضہ کشمیر میں انتخابات کو دھونس اور دھاندلی کے ذریعے کرواتا ہے اور اس سلسلے میں میڈیا کو بھی استعمال کرتا ہے لیکن انسانی حقوق کی عالمی تنظیموں اور بین الاقوامی مبصرین کو مقبوضہ کشمیر جانے کی اجازت نہیں، مقبوضہ کشمیر میں بھارتی آئین کے تحت انتخابات کا مقصد یہ ہے کہ جموں و کشمیر پر بھارتی قبضہ برقرار رہے اور کشمیریوں پر بھارتی مظالم جاری رہیں۔
علی رضا سید نے کہا ہے کہ بھارت ڈھونگ انتخابات ، تاخیری حربوں اور کالے قوانین کے ذریعے کشمیریوں کی تحریک آزادی کو روک نہیں سکتا، جموں و کشمیر کی آزادی کے لیے جدوجہد جاری رہے گی جبکہ بھارتی عملداری میں منتخب ہونے والے لوگ کبھی بھی کشمیری عوام کے حقیقی نمائندے نہیں ہوسکتے اور نہ ہی وہ کشمیریوں کے حق کے لیے آواز بلند کرسکتے ہیں۔ان کا مزیدکہنا تھا کہ بھارت نے کشمیر پر زبردستی قبضہ کیا ہوا ہے لیکن ایک دن ضرور آئے گا جب بھارت کشمیریوں کو آزادی دینے پر مجبور ہوگا۔چیئرمیں کشمیر کونسل ای یو علی رضا سید نے مزید کہا کہ انسانی حقوق کے عالمی اداروں کو بھارتی مظالم کا نوٹس لینا ہوگا اور مسئلہ کشمیر کے حتمی حل کے لیے اقوام متحدہ کے قراردادوں کے تحت جموں و کشمیر میں رائے شماری کرانا ہوگی۔
مشہور خبریں۔
چار سال پنجاب میں کرپشن، نااہلی اور لوٹ مار کا سیاہ ترین دور تھا۔ عظمی بخاری
?️ 9 جولائی 2025لاہور (سچ خبریں) وزیراطلاعات پنجاب عظمی بخاری نے کہا ہے کہ چار
جولائی
ستمبر2021 میں مہنگائی کی شرح میں ریکارڈ 2.12 فیصد کا اضافہ ہوا ہے
?️ 2 اکتوبر 2021اسلام آباد (سچ خبریں) تفصیلات کے مطابق ادارہ شماریات کے ماہانہ بنیاد پر
اکتوبر
افغانستان کے قیام امن میں پاکستان کا اہم کردار
?️ 4 جون 2021(سچ خبریں) پاکستان اور تاجکستان کی جانب سے خدشہ ظاہر کیا گیا
جون
عراق کا دہشت گردوں کے خلاف پیشگی آپریشنز پر زور
?️ 2 دسمبر 2024سچ خبریں:عراق کے وزیر اعظم اور کمانڈر انچیف محمد شیاع السودانی نے
دسمبر
حکمران اپنی مرضی کرتے ہیں اور عوام کی امیدوں سے دور ہوتے ہیں تو پورا نظام گر جاتا ہے، بلاول بھٹو
?️ 23 جنوری 2025اسلام آباد: (سچ خبریں) چیئرمین پاکستان پیپلز پارٹی بلاول بھٹو نے کہا
جنوری
وزیراعظم ہاؤس کے ملازمین آڈیو لیکس میں ملوث ہو سکتے ہیں۔
?️ 7 اکتوبر 2022اسلام آباد: (سچ خبریں) وزیر داخلہ راناثناء اللہ کا کہنا ہے کہ
اکتوبر
امریکی سینیٹر کا دورۂ تائیوان چین کی خودمختاری کی خلاف ورزی
?️ 28 اگست 2022سچ خبریں:چینی حکومت کے امور تائیوان دفتر کے ترجمان نے امریکی سنیٹر
اگست
وزیراعظم نے بجلی کی سرکاری پیداواری کمپنیوں کی کیپیسٹی پیمنٹ پر سوال اٹھادیا
?️ 14 جنوری 2025اسلام آباد: (سچ خبریں) وزیراعظم شہباز شریف نے بجلی پیدا کرنے والی
جنوری