حریت کانفرنس کا میر واعظ مولوی محمد فاروق، خواجہ عبدالغنی لون اور شہدائے حول کو خراج عقید ت

?️

سرینگر: (سچ خبریں) غیر قانونی طور پر بھارت کے زیر قبضہ جموں و کشمیر میں کل جماعتی حریت کانفرنس نے ممتاز کشمیری رہنماؤں میر واعظ مولوی محمد فاروق، خواجہ عبدالغنی لون اور شہدائے حول کو ان کے یوم شہادت پر شاندار خراج عقیدت پیش کیا ہے۔

میڈیا کے مطابق میرواعظ مولوی محمد فاروق کو نامعلوم مسلح افراد نے21مئی 1990کو سرینگر میں ان کی رہائش گاہ پر گولی مار کر شہید کر دیا تھا، اسی روز بھارتی فوجیوں نے سرینگر کے علاقے حول میں ان کے جلوس جنازہ پر اندھا دھند فائرنگ کر کے 70سے زائد نہتے شہریوں کو شہید کر دیا تھا۔

بارہ سال بعد 21مئی 2002کو خواجہ عبدالغنی لون کو نامعلوم حملہ آوروں نے اس وقت شہید کر دیا جب وہ سرینگر کے مزار شہداء میں ایک اجتماع سے خطاب کے بعد واپس جا رہے تھے۔کل جماعتی حریت کانفرنس کے ترجمان ایڈوکیٹ عبدالرشید منہاس نے سرینگر میں ایک بیان میں شہید میرواعظ مولوی محمد فاروق اور شہید خواجہ عبدالغنی لون کو خراج عقیدت پیش کرتے ہوئے کہا کہ تنازعہ کشمیر کو عوام کی خواہشات کے مطابق اور پرامن طریقے سے حل کرنے کا ان رہنمائوں کا راستہ ہی آگے بڑھنے اور خطے میں امن وخوشحالی کا راستہ ہے۔

انہوں نے کہا کہ جابرانہ طرز حکمرانی، طاقت کے وحشیانہ استعمال یا لوگوں کو ڈرانے دھمکانے سے تنازعہ کشمیر مزید پیچیدہ بن جائے گا۔انہوں نے کہا کہ لوگوں کو درپیش مشکلات اور تنازعہ کشمیر کے حل کے لیے ان کی طرف سے دی گئی قربانیاں کشمیریوں کو مسلسل یاد دہانی کراتی ہیں کہ اس تنازعے کو ہرصورت حل کرنا ہوگا اور کشمیریوں کے جذبات کا احترام کرنا ہوگا۔

انہوں نے کہاکہ گرفتاریاں اورنظربندیاں اس حقیقت کو تبدیل نہیں کر سکتیں۔انہوں نے کہاکہ ہم اپنے مقصد اور قائدین کے دکھائے گئے راستے پر گامزن رہیں گے۔حریت ترجمان نے افسوس کا اظہارکیا کہ قابض حکام نے طاقت کے وحشیانہ استعمال اورڈرادھمکاکر لوگوں اور قیادت کے انفرادی یا اجتماعی اظہاررائے پر مکمل پابندی عائد کررکھی ہے اورانہیں سیاسی سرگرمیوں کی کوئی اجازت نہیں ہے۔

انہوں نے کہا کہ میر واعظ مولوی عمر فاروق، خواجہ عبدالغنی لون اور شہدائے حول سمیت کشمیری شہداء کوخراج عقیدت پیش کرنے کا بہترین طریقہ یہ ہے کہ جدوجہد آزادی کو اس کے منطقی انجام تک پہنچایا جائے۔ انہوں نے کہا کہ بی جے پی کی زیر قیادت بھارتی حکومت ظالمانہ ہتھکنڈوں سے کشمیری عوام کے جذبہ آزادی کو دبا نہیں سکتی۔

دریں اثناء ممتاز آزادی پسند رہنمائوں میرواعظ مولوی محمد فاروق ، خواجہ عبدالغنی لون اور شہدائے حول کے یوم شہادت کے موقع پر 21مئی بروز منگل مقبوضہ جموں وکشمیراورآزادجموں وکشمیر میں مختلف تقریبات کا انعقاد کیاجائے گا۔

کل جماعتی حریت کانفرنس کی آزاد جموں وکشمیر شاخ کے کنوینر محمود احمد ساغر نے اسلام آباد میں ایک بیان میں میرواعظ مولوی محمد فاروق، خواجہ عبدالغنی لون اور شہدائے حول کو خراج عقیدت پیش کرتے ہوئے کہا کہ شہدائے کشمیرکے خون کو رائیگاں نہیں جانے دیا جائے گا اور تحریک آزادی کو مکمل کامیابی تک جاری رکھا جائے گا۔

مشہور خبریں۔

کیا دہشتگرد صیہونی آبادکاروں کے لیے دنیا میں کوئی جگہ نہیں رہی؟

?️ 4 جنوری 2024سچ خبریں: یورپی یونین اور صیہونی حکومت کے درمیان بنیاد پرست آباد

کامیڈی کنگ کے انتقال پر سیاسی رہنماؤں کیجانب سے گہرے رنج و غم کا اظہار

?️ 2 اکتوبر 2021کراچی (سچ خبریں) کامیڈی کنگ  اور معروف اداکار عمر شریف کے انتقال

پاکستان کے دشمنوں کا مکمل خاتمہ کریں گے، وزیراعظم شہباز شریف

?️ 10 جون 2024چونیاں(سچ خبریں) وزیراعظم شہباز شریف نے کہا ہے کہ پاکستان کے دشمنوں کا مکمل خاتمہ کریں

استحکام اور سلامتی کو یقینی بنانے کے بہانے صیہونیوں کے ساتھ تعلقات معمول پر لانا ایک افسانہ ہے:فلسطینی مزاحمتی تحریک

?️ 1 فروری 2022سچ خبریں:ڈیموکریٹک فرنٹ فار دی لبریشن آف فلسطین نے ابراہیم معاہدے میں

جنوبی وزیرستان: چیمبر آف کامرس کے صدر اور 2 کسٹم افسران اغوا

?️ 14 فروری 2025جنوبی وزیرستان: (سچ خبریں) جنوبی وزیرستان میں وزیرستان چیمبر آف کامرس اینڈ

بلوچستان: سوئی میں سیکیورٹی فورسز کا آپریشن، 2 دہشتگرد ہلاک، 3 جوان شہید

?️ 13 جولائی 2023بلوچستان 🙁سچ خبریں) بلوچستان کے علاقے سوئی میں فوجی آپریشنز کے دوران

حریت رہنما ﺅں ، تنظیموں کا کپواڑہ قتل عام کے شہدا ءکو شاندار خراج عقیدت

?️ 27 جنوری 2024سرینگر: (سچ خبریں) بھارتی کے غیر قانونی زیرقبضہ جموں وکشمیر میں کل

12 صہیونی فوجی ہلاک اور 65 زخمی

?️ 29 اکتوبر 2024سچ خبریں: صیہونی حکومت کے ذرائع ابلاغ نے آج صبح سے جنوبی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے