بھارت کشمیریوں کو کیوں جیلوں میں بند کر رہا ہے؟

?️ 26 اگست 2023

سچ خبریں: بھارت کے غیر قانونی زیرقبضہ جموں وکشمیر میں کل جماعتی حریت کانفرنس کے رہنماوں نے کہا ہے کہ کشمیریوں کو اپنے ناقابل تنسیخ حق ، حق خود ارادیت کیلئے آواز اٹھانے پر جیلوں میں ڈالا جا رہا ہے۔

کل جماعتی حریت کانفرنس کے رہنماؤں سلیم زرگر، ایڈووکیٹ ارشد اقبال، فاروق احمد توحیدی، میر شاہد سلیم اور مولانا مصعب ندوی نے اپنے بیانات میں کہا کہ بھارتی مظالم اور ناانصافی کے خلاف اور تنازعہ کشمیر کے حل کے لیے جو بھی آواز اٹھاتا ہے اسے سلاخوںکے پیچھے ڈال دیا جا تا ہے۔

یہ بھی پڑھیں: کشمیریوں کی قتل گاہ

انہوں نے کہا کہ بی جے پی حکومت کشمیریوں کے تمام سیاسی، معاشی، مذہبی اور معاشرتی حقوق سلب کرنے کے بعد مقبوضہ علاقے میں حالات پرامن ہونے کے نام نہاد دعوے کر رہی ہے۔

کل جماعتی حریت کانفرنس کے رہنماؤں نے کہا کہ چار ہزار سے زائد حریت رہنما، کارکن اور نوجوان طویل عرصے سے مقبوضہ علاقے اور بھارت کی مختلف جیلوں میں کالے قوانین کے تحت جعلی مقدمات میں غیر قانونی نظربندی کا سامنا کر رہے ہیں،انہوں نے کہا کہ ان لوگوں کو سچ بولنے کی سزا دی جا رہی ہے۔

مزید پڑھیں: بھارت نے کشمیریوں کے تمام حقوق سلب کر رکھے ہیں، کل جماعتی حریت کانفرنس

دریں اثناءڈیموکریٹک یوتھ فورم نے شہید عمر قیوم کو زبردست خراج عقیدت پیش کیا ہے جنہیں 20 اگست 2010 کو سرینگر میں بھارتی فوجیوں نے حراست میں لے کر شہید کر دیا تھا۔