ٹرمپ کی نیتن یاہو کو مزید رسوا ہونے سے بچانے کی ناکام کوشش

سچ خبریں:رأی الیوم نے امریکی حملے کو نمائشی قرار دیتے ہوئے لکھا کہ یہ صرف نیتن یاہو  کی سیاسی رسوائی کو روکنے کی کوشش تھی، ایران نہ صرف میزائل جنگ میں کامیاب رہا بلکہ امریکہ اور اسرائیل دونوں کو دفاعی پوزیشن پر لا کھڑا کیا۔

معروف عربی روزنامہ رأی الیوم نے ایک تفصیلی رپورٹ میں لکھا ہے کہ ایران پر امریکی حملہ دراصل بنیامین نیتن یاہو  کی سیاسی کو رسوا ہونے سے بچانے کے لیے کیا گیا ایک نمائشی اقدام تھا، جو اثر سے خالی اور وقتی تھا، رپورٹ میں کہا گیا ہے کہ اصل فاتح ایران ہے جس نے اسرائیل کو فوجی، تکنیکی اور نفسیاتی میدانوں میں شکست دی۔

رپورٹ کے مطابق ایرانی میزائل حملوں کے بعد ہزاروں یہودی باشندے مقبوضہ علاقوں سے فرار کی راہیں تلاش کرتے نظر آئے۔

 اسرائیلی شہروں کا حال غزہ جیسا ہو چکا تھا،دفاعی ٹیکنالوجی اور انٹیلی جنس سسٹمز تباہی کا شکار ہو گئے۔

رپورٹ کے مطابق نیتن یاہو  نے امریکی صہیونی لابی کے ذریعے ڈونلڈ ٹرمپ پر دباؤ ڈالا کہ وہ ایران کے خلاف کارروائی کرے۔

 ٹرمپ نے سیاسی مجبوری اور انتخابی مفادات کے تحت حملہ کیا ،کانگریس اور امریکی عوام ایران کے خلاف جنگ کی حمایت نہیں کر رہے تھے، اسی لیے یہ کارروائی محدود اور علامتی رہی۔

 ایران نے حملے سے قبل حساس مواد کو محفوظ مقامات پر منتقل کر لیا تھا،ایران نے کہا کہ یہ حملہ معمولی تھا، ہم نہ مذاکرات کی میز پر دباؤ میں آئیں گے، نہ یورینیم کی افزودگی سے پیچھے ہٹیں گے۔

 رپورٹ کے مطابق، اسرائیل کے میزائل انٹرسیپٹرز ختم ہونے کے قریب ہیںمایران کے پاس اب بھی زیادہ تباہ کن میزائل ذخائر موجود ہیں جنہیں اب تک محدود پیمانے پر استعمال کیا گیا ہے۔

مزید پڑھیں:امریکہ کا ایران پر حملہ؛کمزور اسرائیل کی پشت پناہی یا سفارتکاری کا خاتمہ؟

رأی الیوم نے زور دیا کہ ٹرمپ کا حملہ صرف ایک سیاسی تماشا تھا تاکہ یہ تاثر دیا جا سکے کہ امریکہ اسرائیل کے ساتھ کھڑا ہے، جبکہ حقیقت میں وہ ایران کے دفاعی اور اسٹریٹجک توازن کو توڑنے میں ناکام رہا۔