ایرانی میزائلوں کے ہاتھوں صیہونی دفاعی نظام کی رسوائی ؛ عالمی میڈیا کا متفقہ تجزیہ

سچ خبریں:بین الاقوامی میڈیا کی رپورٹس کے مطابق، ایران کے بیلسٹک اور کروز میزائلوں نے امریکہ کے حمایت یافتہ صیہونی دفاعی نظام کو مکمل ناکام کر دیا، جدید میزائل ٹیکنالوجی، ہدفی دقت اور تہران کی تدریجی حکمت عملی نے دنیا کو حیران کر دیا ہے۔

ایران کے آپریشن وعدہ صادق 3 نے صرف صہیونی تنصیبات کو نشانہ نہیں بنایا، بلکہ اس حملے نے اسرائیل کے برسوں سے قائم دفاعی ساکھ کو بھی مکمل طور پر چیلنج کر دیا،عالمی ذرائع ابلاغ، بشمول دویچے ویلے، سی این این، ایندیپینڈنٹ، سومریہ نیوز اور دیگر، ایک بات پر متفق ہیں: ایران نے امریکی حمایت یافتہ اسرائیلی دفاعی نظام کو تاریخ کی بدترین شکست دی ہے۔

یہ بھی پڑھیں:امریکہ کا جنگ میں داخل ہونا ایران کے لیے خطرہ ہے یا موقع؟

دویچے ویلے نے امریکی انٹیلیجنس کے حوالے سے رپورٹ کیا ہے کہ ایران مشرق وسطیٰ کا سب سے بڑا بیلسٹک میزائل ذخیرہ رکھتا ہے۔

تحقیقی ادارہ IISS (برلن) کے فابیان ہینز کے مطابق، ایران نے حالیہ حملوں میں جامد اور مائع ایندھن والے میزائلوں کا مشترکہ استعمال کیا، جن میں حاج قاسم، خیبرشکن، فاتح ۱، عماد، بدر، خرمشہر جیسے جدید ہتھیار شامل تھے۔

قاہرہ الیوم اور ایندیپینڈنٹ نے واضح کیا کہ ایران کے حملے فلاخن داوود، گنبد آہن، آرو 3 جیسے دفاعی نظاموں کے اندر تک نفوذ کر گئے، جن پر برسوں سے اربوں ڈالر خرچ کیے جا رہے تھے۔

ایرانی حملے نے ثابت کیا کہ اسرائیلی دفاعی دعوے زمینی حقیقت سے بہت دور ہیں۔

اردن کے سابق فوجی جنرل قاصد محمود کے مطابق ایران کا میزائل نظام کثیر لائحہ ہے

 ایران نے حملے تدریجی انداز میں کیے: پہلے بڑی تعداد، پھر کم تعداد مگر زیادہ دقت۔

 ایرانی میزائلز میں کثیر کلاہک، مانورنگ، مافوق صوت رفتار جیسی اعلیٰ خصوصیات موجود ہیں۔

میسائل تھریٹ، سی این این اور سومریہ نیوز کے مطابق، ایران کے جدید میزائلز میں شامل ہیں:

 سجیل: دو مرحلہ بیلسٹک، 2000 کلومیٹر برد

 خیبر، فاتح 2: مافوق صوت، ہدف پر عین نشانہ

 ذوالفقار: درمیانے فاصلے تک زمین سے زمین حملہ آور، سمندری اہداف کے لیے بھی مؤثر

 سومار: کروز میزائل، 700–2500 کلومیٹر، بلندی پر پرواز کی صلاحیت

 رعد: 500 کلومیٹر برد، تیز لانچ، غافلگیر حملوں کے لیے مؤثر

رپورٹ کے مطابق اسرائیلی ریاست صرف اپنی بقا کی جنگ نہیں لڑ رہی، بلکہ وہ امریکہ کے مشرق وسطیٰ میں آخری نمایندے کے طور پر بھی کھڑی ہے۔ اس کی ناکامی کا مطلب واشنگٹن کے اثر و رسوخ کا خاتمہ ہے۔

مزید پڑھیں:امریکہ اسرائیلی جارحیت میں شریک ہے، جس مقام سے حملہ ہوگا اسی جگہ جواب دیں گے، ایرانی سفیر

ایندیپینڈنٹ کے مطابق، ایران کی جانب سے استعمال کی گئی جدید ٹیکنالوجی، فائر پاور اور جنگی اسٹریٹیجی نے صہیونی پدافندی نظام کو نہ صرف بے اثر کر دیا بلکہ اسرائیل کے دفاعی ماڈل پر بین الاقوامی اعتماد کو بھی شدید نقصان پہنچایا۔